قصة نجاح بعد الاعادة #10

➤ قصص نجاح #10



قصة نجاحي من السادس متعبة حيل 


وبيها موعظة للغير ان شالله
اول منجحت من الخامس للسادس مجنت ادري بحجم السادس وان هو راح يحدد مستقبلي
فه مقريت خلال العطلة البيناتهن الى ان دخلت للسادس وعشت صعوبتة فه ظليت اتخبط بكل امتحان شهري والاغلب ارسب بيهن وجتي نص السنة وهم طلعت ب واحد انوب شدت حيلي وضغطت على روحي وكدرت احصل دخول للامتحان الوزاري وهمات بفترة المراجعة مقريت وجان عذري القبيح جدا جدا واللي دمرني بخلال هاي السنة هو مالي واهس فه اجت الامتحانات الوزارية امتحنت اسلامية اللي هي اسهل مادة ومجاوبت طلعت من الامتحان شفت اصدقائي كلهم فرحانين ويحجون على ان الاسئلة سهلة كلش وراح نآخذ مياية آني هنا حسيت بروحي مرتكب جريمة عظمة الله شاهد وحيل استحقرت روحي ومن فشلي بامتحان الاسلامية قررت اعيد السنة لان كلت باسهل مادة مجاوبت الباقي شلون واني كلشي مقاري..  وعدت السنة بس صرت وحش كاسر بيها بحيث من بدايتها النهايتهة قراية..  الى أن لبست مناضر من القرآية😁
والحمد لله والشكر گدرت انجح خلال السنة الثانية وبمعدل 86 ودخلت معهد تمريض.
يمكن قصتي مو محفزة كلش بس حبيت من خلالها اوجه رسالة للطلاب:  ترة اكبر عدو الك بالسادس هو كلمة المالي واهس ماكو شي اسمة ماكو واهس انت اصنع الواهس الروحك ترة هاي الكلمة هي الضيعت سنة كاملة من عمري. 


وتذكرو دائما:  المستحيل مجرد كلمة 👊💪

0/Post a Comment/Comments

أحدث أقدم