قصة نجاح امنة #13

قصص نجاح #13

السلام عليكم
انا امنة من الموصل مواليد ٢٠٠٠ 

راح احكيلكم عن قصتي اول شي بعد ماتحررنا من داعش امتحنت ثالث متوسط والحمد لله نجحت وبداية داومنا رابع لحد شهر ١٢ عبرونا عالسادس وبعد ماصارلنا كثير متحررين ف كانت اثار الخوف والرعب بداخلي إضافة للناس اللي فقدانهم وهذا الشي كثير أثر بحياتي بحيث من شدة التفكير أحيانا اسمع أصوات غريبة براسي  كنت اقول من التعب والتفكير والحمد لله راجعت اطباء و ب الاربعين يوم  تحسنت درست بس ماكنت ضابطة المواد لان كنا عبور وشهر ١٢ وكان كلام الناس كلش مأثر بنفسيتي انه ماراح اطلع معدل ماراح اوصل ل نتيجة وبقت الناس تحكي معاي وتهبط ب معنوياتي بحيث حسيتو انا طالبة السادس الوحيدة بالعراق (فنصيحة لاتهتمون ل كلام الناس ابد)
بدينا امتحانات السنة الأولى طلعت معدل ٩١ ونص وكنت مأجلة مادتين اللي همه رياضيات واحياء وعدت السادس السنة الثانية وكنت كلش متفائلة على الرغم انه الكل ماوافقني ب فكرة الاعادة عدا اهلي وبديتها للسنة الثانية ب جهد ونشاط وكنت متعاونة مع الكل وكانو الكل بالمدرسة يصيحوني دكتورتنا وكنت افرح بهل شي حقيقة على الرغم انه حلمي الصيدلة صح احيانا ماكات اكو واهس للدراسة لكن حلمي جبرني للدراسة وقبل الأربعين يوم ب اسبوع الوالد والوالدة الله يطول بعمرهم طلع اسمهم للعمرة وطلعو يوم ٢٠ من شهر الرابع وقررو يبقون شهرين ب مكة ومن يوم اللي طلعو اللي حد مارجعو انا ماكان ليي وهس ادرس لان الاهل ما بالبيت وكنتو كلش متأثرة بطلعتهم وكل شخص كنتو التقي بينو بهذيك الفترة كان يهبط ب معنوياتي كلش بحيث احيانا تجي ايام ابكي على مستقبلي لان حسيتو تدمر ب طلعة اهلي للعمرة بس ماطقتو امنعم أو اقلم لا لان شفتو الفرحة بعيونم لحضة اللي طلعو وكانت الشهرين كلش طويلي بالنسبة اللي واصلا ماحسيتوها راح تخلص وقبل الامتحانات النهائية ب اسبوع رجعو والبيت كان كلش هوسة وانا ماكن درستو مجرد اطلاع للمواد وبديت قبل الامتحانات ب ٣ ايام اسلامية ودخلت ل للامتحانات بس للاسف أجلت كيمياء وعربي لان ماكنت دارستهم وطلعت معدل.٩٥.٣   وجا دور الثاني وأهلي شجعوني ودرست والحمد لله طلعت معدل ٩٦.٣ قدمت صيدلة لكل المحافظات مانقبلت ونقبلت هندسة تقنيات أجهزة طبية وبعد ماطلع القبول المركزي مالتي قدمت موازي صيدلة مانقبلت وقدمت ل كلية النور صيدلة وهم مانقبلت وبقيت بالقسم مالتي وهسه كلش فرحانة بيي .
أمنة خالد أحمد
المعدل ٩٦.٣
نقبلت ب هندسة تقنيات أجهزة طبية


0/Post a Comment/Comments

أحدث أقدم