ايمانك بالله هو مفتاح نجاحك #16

➤ قصص نجاح #16

هلو حبيت اشارك واحجي قصتي ومعاناتي بالسادس


اولا اني مدخلت خصوصي ولا اهلي مع انه حالتنه الماديه زينه بس بابا مقبل يدخلني ليش ماادري 😔 اني بهاي الحاله كلت بعد رسبت لان أعرف مدرستي وتدريسها تحت الصفر .

اخذت فتره انه اني هاهيه بعد انتهيت ومااحقق حلمي الي هو اطلع صيدله
فدخلت ع يوتيوب داصفح شفت التحفيزات والكلام ع التدريس باليوتيوب فراجعت نفسي وكلت اني اكدر خل اجرب  المهم كمت ادرس ع يوتيوب انطاني طاقه ايجابيه اشتريت ملازم الي ادرس عليهم ع يوتيوب يعني كلت شنو هو هذا السادس الي خابصيني بيه المهم مجنت مهتمه بالمدرسه اقرا ع جدولي باليوتيوب.

اجت نصف السنه طلعت معدل ٨٠ لان تمرضت المهم كلت مو مقياس اني مقريت ليش انقهر وجنت مريضه
وره فتره نصف السنه مريت ظروف كولش صعبه واني بعدني ممكمله مواد وباقي فتره قليله بين اكمل مواد لو اراجع
ضغطت ع نفسي كولش وكلت زهرا انتي كدها وانطي تحفيزات لنفسي كدرت اكمل الي كملته ورجعت راجعت تركت من كل ماده فصل وبيها قريت اسئله فصل بس .

وجان تجي الامتحانات طبعا مخفت منها كلت الي كاتبه الي الله يصير وطلعت معدل ٩١.٥٧ ورحت كليه علوم قسم تحليلات مرضيه طبعا ماوصلت لحلمي الي هو صيدله وكلت رح اترك الدراسه بس بعدين اذكرت قوله تعالى عسى أن تكرهوا شيئا وهو خيرا لكم
والي يطلع الأول بهذا القسم رح يحول طب أسنان او صيدله .

بس هسه الخبر الي نزل انه المقبول والامتياز نفس شي
بهذا امنت انه احنه قدرنه مكتوب والي كاتبه النه الله هو الي رح يصير
اقروا وسوو الي عليكم وانتم كدها ياابطال .

0/Post a Comment/Comments

أحدث أقدم