قصة طالب معهد طبي #19

➤ قصص نجاح #19 

مرحبا 


اول ما نجحت من الخامس دخلت خصوصي واعتقد  كول الطلاب دخلت اني بداية مسيرتي بالسادس ذبيت كول جهدي بالدراسة بحيث المواد درختهن بأنتهاء المواد بالخصوصي صار وية ابوية مشاكل بالدائرة مالتة جان معاون مدير الخدمات بالوقف الشيعي وصارت تهم علية  انو عندة علاقة وية احد الموضفات المهم صارت المشكله عشائرية وانتهت بأنو ابوية يتزوج الموضفة وقررنا ننتقل من الناصرية الكربلاء وجان شرط الموضفة تريد بيت وحدها صار ع والدي ضغط هواي انو احنة عائلة وهي عائلة فقرر اني نعيش بيت جدي ابو والدي وجانت بداية المدراس ع مانطوا الموافقة بالنقل ونقالنا صار بقرابت الشهرين اني لا  دارسة بناصرية ولا بكربلاء وغير المشاكل الي صارت بالبيت من صار علم عندي امي وخوالي ابوية راح يزوج وبالمناسبة اني اكبر اخواني امي زعلت عند اهلها وصارات المسؤلية علية وبعد مراحولها عمامي رجعت علمودنا ونتقلنا لكربلاء يمكن هنا زادت المشاكل ابوية متعلمن علية يومية يمنا وهنا صار يوم هنا ويوم هناك غير الامور الماديةوالدراسية جان حيل اكو فرق بالتدريس غير انو هم جانو سابقينا بالمواد واني مو كول المواد داخله بيها خصوصي اكثر شي اضررت من الانكلش بالناصرية واصلين للوحدة 2وبكربلة للوحدة 5حيل اثر علية برغم هذا الشي كولة درست ودخلت  وزاري وامتحنت بس اجلت الانكليزي المهم اخذت معدل 85 فقررت اعيد فعدت  وعشنا بيت عمي  طبعاً عمي مهندس جان حيل يشجعني وينطيني  واهس ادرس  المهم امتحنت والحمدالله بس بيوم مادة الاحياء الاسئلة حيل مطوله بس سهلة جنت اكدر اجيب بيها 100بس انتهى الوقت واني بعدلي سؤال كامل غير انو المديرة فوك راسي يلا خلص الوقت ويلا هنا مسيطرت ع اي شي حتى انو اكمش قلم مكدرت   ونبي ضليت بس اتراعش وابجي المراقبة كالت اجلي  فمسحت الدفتر واجلت شبعت بجي بيومها انو الاسئلة سهلة وحليتها بس ع سؤال اجل جان. وراى امتحان رياضيات نسيت كولشي وبالشت ادرس رياضيات كملت الامتحانات ع خير وكدرت اجيب معدل 93.76 وامتحنت احياء واخذت 96  
وصار #معدلي 94.57
 ونقبلت معهد طبي /بابل  😘.

0/Post a Comment/Comments

أحدث أقدم