دليل دراسة الاسلامية #1

➤ دليل دراسة الاسلامية #1



قبل كلشي طبعا مادة الاسلامية وخاصة بعد تغير المنهج أغلبية الطلاب تجيب درجات عالية جدا بها وهواي يجيبون 100 بيها كونها مادة سهلة فلازم على الطالب استغلال هاي النقطة الصالحة ويجيب درجة كاملة برفع بها المعدل .


 نظرة عامة عن المادة : 

طبعا خلي نعرفكم بالاسلامية مالت السادس قبل لا ادخل بتفاصيلها . . .  بعام 2016 نغير منهج مادة الاسلامية بعد ما كانت كتابين القران الكريم والتربية الإسلامية كل كتاب بوحد وجان أصعب هواي من هسه لان جان بها سورة البقرة كلها مع الشرح والتفسير وكلها داخلة عدا ايات الحفظ لكن بعد استحداث المنهج دمجوا مادة الاسلامية مع القرآن الكريم في كتاب واحد متكون من( 5 وحدات )
او فصول  كل وحدة بها 5 دروس ثابتة وطبعا قبل هاي الدروس اكو أحكام التلاوة الي عليها( 10 درجة) بالامتحان الوزاري وهي سهلة جدا فيصير المنهج ب التسلسل التالي :

 أحكام التلاوة الي عليها 10 درجات بالامتحان الوزاري ودائما تجي اول سؤال ثم تأتي 5 وحدات ولكل وحدة 5 دروس ومرتبة كالتالي :

الدرس الأول : أيه كريمة للحفظ والتفسير الدرس الثاني : من قصص القرآن (قصة قرانية)
 الدرس الثالث : حديث نبوي شريف مع تفسيره
الدرس الرابع : المباحث
الدرس الخامس : التهذيب

هسه تعرفنا على مادة الاسلامية هسه نجي نتعرف على كيفية دراستها، شلون ادرس الإسلامية واضمن بيا درجة كاملة حسب ترتيب اسئلة الوزاري!؟


اولا :

 سؤال أحكام التلاوة 10 درجات بالامتحان الوزاري هي قاعدة تحفظها وتطبقها على الجمل ، عندك تعاريف أيضاً بيها تحفظها عادي ك اي تعاريف أخرى اول سؤال بالامتحان الوزاري من 10 درجات ودائما تجي

 ثانيا :

 آيات الحفظ(20 درجة)، حتى تكدر تحفظهم لازم تقراهم + تكتهم ورقة وقلم مع التكرار تضبطهم يجون ثاني سؤال ب أسئلة الوزاري عليهم 20 درجة و ايضا يجي دائما ترك ضمني . . . يعني ايقين تترك وحدة او ثلاثة أيات تترك وحدة وتجاوب اثنين

ثالثا : 

المعاني والتفسير ( 20 درجة) (يجي سؤال تفسير الآيات (15 درجة)  الي هوينطيك اية قرآنية  وينطيك اسئلة عليها . 
وحتى تكدر تجاوب هاي الأسئلة لازم تفهم تفسير الآيات بشكل صحيح اهم شي افهم ثم احفظ لان فهم مع حفظ = رسوخ معلومة واذا ما تفهم بس تحفظ حتنساهم بعدين عندك فرع المعاني الي هو من 5 درجات ينطيك 7 معاني تترك 2 وتجاوب 5، والمطلوب منك فقط المعاني الداخلة ضمن آيات الحفظ أما الباقي ما مطلوب

 رابعا :

 التهذيب ( 15 درجة)  الي دائما يجي بالسؤال الرابع من الإسلامية ومن 15 درجة وهويشمل مواضيع سهلة جدا كلها موجودة بحياتنا الي هي القناعة والتكبر والغضب والرجولة ومواضيع سهلة جدا حرامات تضيع شي منها و أيضا بالامتحان الوزاري بيها ترك ضمني .

 خامسا :

 المباحث ( 20 درجة) الي هي سهلة كلها بس عدنا موضوع الاقتصاد الإسلامي صعب يضوج يحتاج يوم او يومين يله ينضبط . تقرأه وتفهمه مع ورقة وقلم يصير سهل اما باقي المباحث سبلة تحجي عن الأسرة والأزواج والتعايش السلمي ووظائف الدولة . دائما تجي سؤال الخامس وسهلة و ايضا بها ترك ضمني .

اكثر الأسئلة الشائعة حول الإسلامية ؟


 السؤال 1 : بالامتحان الوزاري يكتبلك بالسؤال مال أيات الحفظ ، اكتب ما تحفظه من اية الاسراء مثلا مع الضبط بالشكل : يعني يريد منك كتابة الحركات ، هنا هوية طلاب يسألون هل نكتب الحركات مثل ما موجودة بالكتاب لو بدونها لوشلون ؟
الجواب : يريد منك فقط الحركات الأساسية الي تلفظها مع الكلمة مثلا السكون او الضم او الكسر الي تلفظ بي الكلمة مثلا : كلمة (بسم الله) احنا حنكتب حركة الكسرة تحت حرف الباء بدال ما نكتب بيسم الله لان لمن دالفظ الكلمة احس بها حرف باء الي هو حركة الكسرة وهكذا . . يعني موالا نفس الحركات الي بالقرآن لان بهاي الحالة تحتاج تدخل دورات الكتابة برسم القرآن فممطلوبة منك هاي عود بالجامعة تتعلمها اذا دخلت شريعة


 السؤال 2 : هل نكتب الآيات برسم القرآن ام بالخط العادي ؟
 الجواب : لا قلبي اكتبها بالخط العادي لان كتلككم خط القرآن والحركات تحتاج متخصصين بهذا المجال مو احنا طلاب مستوى اعدادية ا ف تكتب بالخط العادي

 السؤال 3 : معاني الكلمات كلها حفظ لوفقط الي ضمن آيات الحفظ ؟
الجواب : فقط الي ضمن آيات الحفظ .

 السؤال 4 : لازم نكتب الشرح نصا لويصير نعبر شوية من عدنا في حال نسينا ؟
الجواب : عادي موالا حفظ يصير تعبر من داخلك بس تعبير صح لك موهو يحجي عن القناعة و نت تجط ع التصنع يعني تعبرني صح يخص الموضوع الي دتحجي عنه . . لان التفسير ممكن نوصل فكرته ب أكثر من طريقة

 سؤال 5 : اذا ادرس وزاريات واسئلة مناقشة ففط شكد اجيب بالاسلامية ؟ الجواب : نضمن 90 درجة كحد أدنى


 نصيحة شخصية الكم :

 لازم تضبط الوزارات واسئلة المناقشة اذا تريد تاخذ ملزمة ف انصح ب ملزمة النموذجية لساجد صالح العكيلي تترك كلشي بالمادة اقرا كلشي حتى لو اطلاع ، لان الوزاري ما ينحزر

_______________________________
يمكنكم مشاركة افكاركم في التعليقات 👇👇👇

0/Post a Comment/Comments

أحدث أقدم