قصة نجاح سالي المشهداني من الانبار #2

➤ قصص نجاح #2

~~~~~~~🌸رحلة سادس🌸 ~~~~~

سلام الله  عليكم جميعاً
اما بعد:
حبيت اشاركم قصتي مع السادس ومعاناتي لوصولي للهدف الي اني طمحتلة بدايةً اني #سالي المشهداني مع محافظة الانبار وكل يعرف انو محافظة الانبار كانت محتلة من قبل دواعش وتعرضت لتدمير وخراب ونهدمت اغلب ابنيتها بسبب القصف ،بعد ما تحررت الانبار بالكامل قرر الوالد انو نرجع للفلوجة .
والحمد لله رجعنة وبعد ٥ايام بدأ العام دراسي جديد وكنت صف سادس وداومت  بكل نشاط فأذا بأي اصدم كون مدرستي الي كنت  ادوام بيها مهدمة تفتقر لكلشي ضروري .
وكادر مبيها كون اغلب تدريسين مرجعوا للمحافظة الي نهدم بيت ومگدر يرجع والي والي  بقيت اداوم شهر وفقط ندرس بس مادتين .
انصبت بخيبت امل شلون راح تخلص سنة واني مداخلة قبل دروس خصوصية ولا راح ادخل لان جان هدفي انو اثبت للناس انو طالب يگدر يجب معدل فوگ تسعين بدون اي دروس خصوصية  ؟؟؟؟!!
بلش بقينة ع هاذي حالة وبلش يزداد عدد تدرسين (المحاضرين )جانوا يدرسون بدون راتب واغلبهم مبتدئين بالتدريس 
بقت مادة رياضيات ماكو احد يدرسنة بيها واجتي امتحانات نصف سنة ولا يزال ماكو احد يدرسنة مادة رياضيات وخلصت سنة وماكو احد درسنة رياضيات واخلص عام دراسي واحنة مدارسين رياضيات وممكملين اغلب مواد!!! هنا قررت اقرة رياضيات وية بقيت مواد واكملة بعطلة شهرين القبل الامتحان الوزاري وكان هذا قررا خاطئ دفعة ثمنةغالي لان مسيطرت لا على مواد بقية ولا ع رياضيات والي زاد طين بلة تمرضت ومرضي كان بالقصبات تنفسية والجيوب والانفية صرت افضل ابقة بالبيت مريضة واقرة  ع انو اروح لطبيب واتلوع بالادوية الي ينطينياها ومسكنات الي جانت تخليني مااكدر اشيل الكتاب ،،،اجة الامتحان الوزاري ومتحنت ومجنت راضية ع اجاباتي واجلت رياضيات الي ظيعت اغلب وقتي عليه وللاسف طلعت معدل ٨١  مزعلت لان  جانت ظروفي اكبر من قدراتي وهذا قضاء وقدر رب العالمين ،اهنا وصلنة لمرحلة ناس تكلي عيدي وناس تكلي لا تعدين وبالاول والاخير هاذي قدراتي واني ادرة بيها اكدرت اكمل لو لا ؟؟
استخارت رب العالمين وفكرت زين فكرت انو سادس مرحلة نهائية تعب ٦سنوات ومستقبلي منا لفد ٥٠سنة اذا الله كتبلي عمر يستاهل اضيع عليه سنة وهنا قررت اعيد السادس واذكر بوقتها الوالد من كتلة راح اعيد سادس كلي بنتي لازم اجيبن معدل فوگ٩٥انتي كدها؟كتلة:ان شاءالله.
وجنت خالة بالي انو اطلع معهد طبي /منصور قسم صيدلة 
والحمد لله عدت سادس وكانت ظروفي وظروف المدرسة احسن وتحسنت حالتي صحية وضاعف جهودي الدراسية  وكنت بكل سجدة ادعي ربي انو (يرزقني الي اتمناه اويرضيني بلي كتبلياه) وجنت مقسمة وقتي بشكل جيد بحيث اكو اوقات استراحات كافية وكنت دائما ً اقرأ قصص لناس حقووا احلامهم واشوف فيديوهات تحفزية وخلصت سنة واجة الامتحان الوزاري والحمد لله امتحنت وطلعت معدل ٩٥،٦ وقدمت ع معهد طبي ونقبلت بس منقبلت قسم صيدلة انقبلت القسم الي بعدة قسم التحليلات قسم صيدلة قبل ٩٥،٧واني كنت٩٥،٦يعني فرق بوينت اتقهرت وبجيت بوقتها بس بعدين تندمت كلش .
ليش حتة ابجي ع  عطايا رب العالمين (كلشي يجي من رب العالمين حلو ولصالحنة) وداومت ودرست وكانت مواد كلش حلوة رغم صعوبتها  ومعلومات الي بيها قيمة وخاصة درس العملي وعرفت انو قسم تحليلات كان من صالحي  
ختاما ً نصيحتي لكل طالب لتيأس خلي املك برب العالمين چبير وتذكر دائما رب العالمين ادرة بمصلحتك .

@sally.artist5🎨  ✍️

0/Post a Comment/Comments

أحدث أقدم