المرض ليس حاجز ضد النجاح #20

➤ قصص نجاح #20 


السلام عليكم


كنت بنت زغيرة تقريبا صف رابع ابتدائي
تمرضت وبقيت اخذ علاج وبعدها صارت احتلال العراق جان القصف جدا قريب
وجان الاكل بسيط واحنا ننام على أصوات القصف وراها اجوي الامريكان يفترون
ارتعبنا منهم رغم أشكالهم مجانت بشعة
خلال هالفترة بابا كان يشتغل بالصحة
ويجيبلي أدوية كل يوم اخذ حبوب
علاج لمرضي وتوفى بهذه الحرب هواي
من اقاربي..
بعدها اني نجحت جانت درجاتي جيدة
انتقلنا لبيت اخر، بدت أحداث، الطائفية
وتصفيات وخطف، خلال هالفترة ماتركت الدراسة، الحالة جانت سيئه، رغم والدي متقاعد بلكوة دبرنا الاكل ودراسة ولبس بسيط، والدتي كانت تخيط للناس حتى تجمع شويه مصرف
حتى نعيش بيها.
وراها رحت للمتوسطة بوقتها استشهدوا خوالي، صار انفجار أمام محلهم هم مجرد مصلحين سيارات. للأسف كانت فاجعة أليمة.
بعدين نجحت من اول دور من ثالث متوسط وانقلبت معهد معلمات كدرت خلال ٥سنوات هم كانت الضروف صعبه والوضع الأمني موزين وصعب رغم هذا ما تركت دراستي بتشجيع من والدتي ووالدي.. الله يحفظهم.
بعدماتخرجت والدي إصابته جلطة قلبية فجأة وسوولة قسطرة والحمد لله طلع منها بسلامة.
سبحان الله صارت معجزة وتركت الدواء بخوف، والله شفاني من المرض، والحمد لله.
وراها بقيت ادرس خصوصي وشلون تعب و
طلاب اقاربي وميدفعون آلية رغم حالتهم زينه والمبلغ بسيط بالنسبة للتعب اللي اتعبة.
جنت ابجي هواي وادعي اتوظف واساعد عائلتي..
والحمد لله بعد ما أخذت محاظرات محو الأمية
وطبعا بالمجان مبلغ بسيط اطونا بالنهاية
ومحاظرات مجانية بمكان بعيد بحيث انفجرت عبوة قبل عشر دقائق من وصول سيارة الاني بيه، توفى شاب الله يرحمة وما تركتها، عندي ارادة، وراها الحمد لله معجزة توظفت، بقيت نصف ساعة ابجي من الفرح 😢😢😢،
وتوظفت بمكان ريفي، بعد سنتين قدمت على الكلية سبحان الله قبلوني اول وحدة،
والحمد لله انو مضت هذه الأيام الصعبة وصارت قصة نجاح احجيها😊🌹


#معاناة القمر M


0/Post a Comment/Comments

أحدث أقدم