قصة ونصائح طالب #23

➤ قصص نجاح #23


اول شي قصتي بدت ويه السادس من كملت خامس اعدادي

 دخلت عند مدرسين خصوصي بالعطلة والمدرسة استفاديت هواي. صح صار عليه ضغط. بس جانت الفائده اكثر  كملت العطله كله محاضرات من البيت للمعهد ومن المعهد للبيت   خلصت العطله وبدت المدرسه جان من اكثر التجارب القاسيه الي مريت بيه لان اجيب درجات فول عند مدرسين الخصوصي  و ارسب او درجاتي على الحافه بالمدرسه جانت اسئله المدرسه عبارة عن اسئله خارجيه 100٪ المدرسين صعبه عليهم  ف كيف اذا طالب....
 كل مرة اجيب درجه ب امتحان مو زينه اتقوه اكثر. وصبرت اكثر وبمدرسه صار عليه ضغط رهيب من ورة المحاضرات والمدرسه جنت ما ارجع للبيت اله ب 9 بليل او ب 8 . وصلت ل نص السنه جان درجاتي مو زينه وكعت بواحد و بالفصل الثاني هم وكعت ب درسين   هنااا من صدك انهاريت وفقدت الامل  تعبت كلش لان كميه، الدراسه الي جنت ادرسه وما جنت احصل على نتيجه مرضيه ...... دخلت وزاري بدت فتره المراجعه جنت متئخر ب ماده عن بقيه الطلاب ب استمريت  وجانت من احلى فترات حياتي وصلت لمرحله ما جنت متوقع اوصله من الصبر والتركيز وكميه المادة الي اخلصه.. بدت امتحانات الوزاري وامتحنت ب جامعة بغداد جانت الامتحانات كله زينه ما عده العربي والرياضيات ائجلت.. خلصت الامتحانات وجانت فرحه مو طبيعيه كملت تعب سنه كامله بس دراسه من العطله اني اقره لحد اخر ليله امتحان....  طلعت النتائج و قبل ما كرايبي يخابروني وكلولي غمضت عيني وكلت درجاتي ب 90 بس الصدمه جانت درجاتي  كله ب 50 ماعده 3 مواد جانن ب 80 💔🥺 هنا من اكبر صدمات حياتي جانت اصعب فترة انو اتجاوز هل موقف معدلي جان بدور اول 76
😢😢وجنت مصدوم.
ورة اسبوعين او اكثر من الانعزال والاكتئاب كدرت اتجاوز ولو شي قليل من هاي الصدمه وابلش ادرس للدور الثاني  ماده العربي والرياضيات صح جان واهسي مكسور و بداخلي نار تشتعل لان حلمي خلاص راح واني جنت ضد فكره اعيد سنه 💔🥺  كملت الدور الثاني وهم جنت موزين نزل معدلي من 76 لل 67 💔😢 صح جانت هم صدمه بس فرحه انو كملت سادس كملت اصعب مرحله ب الدراسة كله
قررت اقدم على الكليات الاهليه ردت، قسم التخدير بس ما انقبلت من كميه الطلاب الجبيره، الي مقدمه و الوزاره قللت المقاعد هم ف قدمت قسم صناعه الاسنان بكليه دجله الأهليه وحاليا اني ادرس بيه وقسمي كلش مرتاح واحمد الله  انو كدرت انجح من المدرسه كله بدون ان ارسب ب اي صف الحمد لله

رسالتي ل اي طالب سادس
1-اذا تقرر تتدخل دورات اسئل الأستاذ ب نهاية كل فصل يمتحنك لو لا لان هل شي كلش مهم
2-الا تعتبر درجات المدرسه مقياس لان كل المدراس تجيب اسئله صعبه علمود تقويك للوزاري
3-هلي ثقتك برب العالمين جبيره لان ماكو شي يصعب عليه حاشا لله
هاي قصتي ويه السادس

علي معتز عبدالكريم
تقنيات صناعه الاسنان
مرحله اولى /كليه دجله الاهليه

0/Post a Comment/Comments

أحدث أقدم