ادرس كي لا تندم #24

➤ قصص نجاح #24 

اسمي سندس وطلعت معدل   ٨٦


جنت بالسادس ادرس صح ضغط صح توتر بس بحيلي لمن وصلت  وكت المراجعة صار بيه خفقان  نحول وفقر دم حاد بحيث هواي ادوخ وشحوب والمشكلة ياهو التشوفني تكول هاي شبيج تحسسني اني  مدمنة🤦‍♀ 🔪😅 وصلت مرحلة اعيش ع المكملات ومع ذالك جان عندي اصرار قوي كلش بلرغم جنت اعاني الالم جنت ابقى كوة اتحرك صار ضعف عام من التوتر والضغط وفوك هذا كهرباء موزينة بحيث وكت الامتحانات اضطريت اروح لبيت جدي وهوسة يمهم لان قطاعهم عدهم كهرباء وكلش حارة كل هالظروف عفت الجمل بما حمل ياظروف يامشاكل اهم شي مستقبلي ماعتقد احد جان يتحمل يبقى بمكانه من الالم ومعنده طاقة يتحرك يكعد يقرة ويتحمل هالظروف واهلي جانوا كلش سند ودعموني وساندوني 💜 جنت دائما اتذكر كلام مدرستي جان تكول انتو مراهقات تهتمون بالشكل والعلاقاات والشغلات المتفيد  ادرسوا حتى مستقبلا لتتندمون مستقبلا تصير عدكم مسؤلية وعائلة ويصعب كلشي عليكم تتحسرون ع ايام الدراسة ف هالجملة انطتني اصرار قوي كلش ادرس وكلما اتعب اكول ميخالف حتى بعدين مالوم نفسي واتحسر ع ايام الدراسة لاتضيع وحمدالله كدرت اطلع معدل بالظروف المريت بيها واتحملها واتجاوزتها مااحجيلكظ لما خلصت صار عيوني تشبه الباندا هالات 😅 بس جنت كلما اشوفها احس بداخلي بفخر علامة التعب والسهر😂وانقبلت تربية ولو مجانت رغبتي ولاردتها بس بعدين اقتنعت الخير فيما اختاره الله   من رحت  للكلية وشفت شلون منهاج صعب كلش اضحك ع ايام السادس 😅 بس الحياة الجامعية حلوة كلش
ادرسوا حتى بيوم النتايج ومستقبلا لتتحسرون ع ايام الدراسة واصعب شعور هو الندم ف حتى لتتندمون اصروا ع الدراسة رغم الظروف
موفقين💜.

0/Post a Comment/Comments

أحدث أقدم