دليل حفظ انشاء الأنكليزي #2

➤ دليل حفظ انشاء الأنكليزي#2



 حجي عام:


 طبعا مادة الإنكليزي بالسادس العلمي بيها 10 إنشاءات وبكل امتحان وزاري او نصف سنة الا ما يجي انشاءين وتجاوب على واحد منهم ودرجتة بالامتحان الوزاري هي  ( 20 و ابد مو قليلة تمام ؟ لكن للأسف الشديد هوية طلاب يستخفون ب الإنشاءات ق يروحون يحفظون 6 إنشاءات او 5 او 7 إنشاءات ويتركون الباقي ويخاطرون ب 20 درجه بالامتحان الوزاري وهواي طلاب يعيدون امتحان الإنكليزي إلى الدور الثاني لانه حافظ نصف الإنشاءات وتارك البقية ف يجي انشاء بالوزاري من الي هم تاركهم....

قصة طالبه مع الإنشاءات:


طالبة صديقتي من الموصل طبعا كلش شاطرة مستواها 98 فما فوق بكل المواد وتريد مجموعة طبية في بشاموت راحت حفلت 8 إنشاءات قبل الامتحان ولمن دخلت انصدمت انه الأسئلة كلش سهلة وتجاوب كشي ف لمن وصلت الإنشاءات انصدمت إنه جاي الإنشائين الي هي تركتهم وحفظت ال 8 البقية في مسحت الدفتر وضاعت ال 100 بالانكليزي والطالبة دور اول معدلها 90 لكن مأجله انكليزي لوما الانشاء جان هسه خلصت ودخلت الطبية...

 العبرة : انه احفظهم هم 10 إنشاءات وسهلات لوكل أسبوع تحفظ واحد جان لتصق السلة تكدرتحفظهم وهم سهلات بس يحتاج واحد يعرف شلون يدرسهم وهسه أن شاء الله اعلمك شلون تقراهم....

الطريقة المثالية لحفظ الانشاء في اللغة الإنجليزية

اولا : تاخذلك الانشاء مضبوط ومترجم ثانيا : تقرا الانشاء ك مطالعة ثالثا : تحفظ الانشاء باللغة العربية قبل لا تحفظه بالانجليزي رابعا : تجي تحفظه بالانكليزي اتبع هاي الخطوات حتى تحفظه كلش زين ، أما الي يتعاجز يحفظ 10 إنشاءات فتذكروا أنه بالجامعات باليوم يحفظون شي 4 او 5 اوراق بالانكليزي ] وكلكم نفس الدماغ وقريتوا قصة الطالبة اتخذوها عبرة الكم . . .

و زين ليش احفظه بالعربي ؟ 

الجواب : حتى يسهل حفظك وتذكرك للانشاء
شلون اقراه ورقة وقلم لوشفهي ؟ الجواب : طبعا ب الطريقتين تقراه خاصة ورقة وقلم
ملاحظة مهمة جدا : لازم تأخذلك انشاء مضبوط وتثبت عليه إياك تبدلة لان هيج حتضيع تعبك وتتخربط بالامتحان مومن تشوف انشاء يعجبك لان قصير تروح تعوف إنشاء ك القديم ، ، ترا هو انشاء يعني اي انشاء تلكاه خلاص اثبت علي ولا تبدلة ابد ابد ابد


توزيع درجات الإنشاء في الإمتحان الوزاري:


-تخصم درجتين على الأخطاء الإملائية  -تخصم درجتين على الاخطاء القواعدية - تعطي درجة واحدة على العنوان
- 15 درجة تعطى لفكرة الموضوع طبعا هذا التوزيع يخص الإنشاءات فقط الي هم""إنشاءات اول وحدة الثالثة الخامسة السابعة ، الثامنة ""

 توزيع درجة الايميل في الامتحان الوزاري:

-تعطى درجة للعنوان
-تعطى درجة على كلمة Dear
- تعطى درجة للخاتمة والاسم sincerely yours تخصم درجتان على الأخطاء الإملائية
-تخصم درجتان على الأخطاء القواعدية
-تعطى 13 درجة على فكرة الموضوع

 ايميلات الإنكليزي تشمل الوحدة الثانية والرابعة والسادسة
_______________________________

يمكنكم مشاركة افكاركم في التعليقات 👇👇👇👇


0/Post a Comment/Comments

أحدث أقدم