طرق حل المسائل الحسابية #2

➤ نصائح #2

طريقة حل المسائل الحسابية


نبذة:

طبعا بالمواد العلمية عدنا مجموعة من المواضيع الي بيها قوانين وإسالة رياضية وكل موضوع بي قانون خاص بي وكل قانون علي مجموعة من الاسئلة التطبيقية ف ان شاء الله بهذا الملف راح اساعدكم ولو بشي قليل شلون ممكن نفصل ونحل هاي المسائل التطبيقية على القوانين ♥️ 
لكن قبل كلشي انت لازم تطبق الخطوات 
التالية:
اولا :تضبط قوانين كل موضوع.

ثانيا : الوحدات لازم تحفظها لازم لان مهمة بالوزاري كلش.

ثالثا : لازم تكون ضابط لعمليات الجمع والضرب والطرح لكل الاعداد ) عشرية او اعتيادية

شلون اكدر اجاوب المسألة العلمية او شلون ممكن اسهل على نفسي الحل؟


اولا : تقرا المسألة العلمية وتحدد المسألة من اي فصل هي؟ 
ثانيا : (تكتب المعطيات مال السؤال والمطاليب ) المعطيات والمطلوب دليلك في تحديد القانون الصحيح

ثالثا : تحدد المسألة تخص يا موضوع حتى تحدد القانون الي يخص المسألة لان عدناكل فصل بي مجموعة من القوانين ف حتى تحدد القانون الصح لازم تحدد الموضوع 

رابعا : بعد تحديدك للموضوع ف انت راح تكدر من معطيات السؤال تحدد القانون الصح الي يخص المسألة العلمية لان هاي
المعطيات الي عندك بالسؤال ترهم او تتناسب مع قانون واحد فإذا چان الموضوع بي أكثر من قانون واحترت بأي قانون ممكن تحل ف تنزل القانون الي مطابق مع المعطيات العندك بشرط انه يكون مجهول واحد بالقانون.... لان اي قانون بي مجهولين ما ممكن ينحل خوش؟ ف انت نزل المعطيات والمطلوب منك وحدد القانون حسبهم... 

وتذكر لازم بأي قانون اكثر شي مجهول واحد بي بس يصير مجهولين بالقانون ف تذكر قانونك غلط وفكر بغير قانون ❤️ 

خامسا : بعد ماكتبت القانون وطبقت الأرقام بعد ما تنتهي من الحل لازم تكتب الوحدة المطلوبة منك) مثلا امبير او جول( لان يحاسبونك عليها بالامتحان الوزاري.

(ملاحظات عامة عن المسائل العلمية بالامتحان الوزاري كيمياء والفيزياء)


اولا : الدرجة العظمى تكون للقانون وطريقة الحل بغض النظر عن الاخطاء الحسابية. 
للتوضيح: يعني اهم شي قانونك صح وطريقة الحل صح حتلو عندك اغلاط حسابية بالضرب والجمع... ينقصونك درجة وحدة فقط والباقي على القانون وطريقة الحل والوحدة الحسابية

 ثانيا : تنظيم دفتر الحل ) هاي من عندي ❤️😂️( يعني لازم ترتب الحل.. تكتب المعطيات والمطلوب بشكل مرتب وواضح 

ثالثا : تتحاسب على الاخطاء الحسابية درجة واحدة فقط. يعني اذا قانونك صح وطريقتك صح بس انت صفر بالعمليات الحسابية وطلعت ارقام من المريخ 😂 ف تتنقص درجة وحدة. ) عندي ملف يخليك تضبط العمليات الحسابية بالقناة ف حاول تقرأه( بس مع هذا لحد يستهزء ويكول هي درجة اذاكل مادة علمية تضيع منها 5 درجات على الحسابات ف هاي 15 درحة ضاعت منك . 

رابعا : الوحدات نهاية السؤال مطلوبة ومهمة يحاسبون الطالب عليها.


اعداد : سالم ال منصور 
------------------------------------
شاركونا بتعليقاتكم👇👇👇

0/Post a Comment/Comments

أحدث أقدم