قصة نجاح الدكتورة زينب #4

➤ قصص نجاح  #4


السلام عليكم طلاب السادس الابطال❤️💪

الاسم :زينب محمد
المعدل :٩٩.٣
القبول: كلية الطب

اني العام جنت طالبة سادس
راح احجي رحلتي بالسادس ان شاء الله تستفادون منها


اني بالعطلة دخلت خصوصي ٤ مواد (كيمياء وفيزياء وعربي ورياضيات والاحياء دخلت الوراثة  ) وهاي جانت أصعب فترة خصوصاً من بده الدوام كلش صار ضغط وتعب واني عندي ٣ مواد مداخلة بيهن َصراحة يعني المدرسة مجانت بالمستوى المطلوب🙃 ف قررت اعتمد على نفسي وقريت عل يوتيوب هم. جنت استفاد بالمدرسة بفقرة الامتحانات حتى اراجع الي اقرا المهم طلعت بنصف السنة معدل ٩٥ الحمدلله شوية ارتفعت معنوياتي . ورا نص السنة صار دوامي متقطع لان مجنت الحك والخصوصي كاموا يضغطون علينا ف يعني شبه تركت المدرسة. قبل ماادخل بالمراجعة حاولت اخلص النقوصات بس( بقت الإسلامية عندي وحدتين مقاريتها والهندسة جنت قارية بس المبرهنات  والوراثة النهاية مالتها وزعتهن على ايام المراجعة يعني كل يوم جنت اقرا شوية من النقوصات ). المهم بديت مراجعة ٤/١ بديت بالجدول الوزاري بالعكس ( يعني فيزياء وراها كيمياء الخ.. ) حطيت لكل مادة حد أقصى ١٢ يوم يعني وعادي إذا كملت بوقت أقل يعني تبقى كل مادة وصعوبتها بس الأحياء طولت بيها ١٧ يوم   . اكيد جنت كل ما اخلص مادة احس نفسي ناسيتها وأريد اعيدها من جديد بس جانوا يكولون عادي كلها هيج ف شوية ارتاح  . وراجعت مراجعة وحدة لان هم يلا كملت  وبقالي كم يوم قريت بي شوية وزاريات وأسئلة الفصل  والإسلامية مراجعتها بس حطيتلها ١٠ ايام قبل الامتحان . اكيد جنت خايفة لان بس مراجعة وحدة بس الحمد لله رب العالمين مضيع تعبي (لا تقارنون نفسكم بأحد لان كل واحد طريقتة تختلف عن الثاني وخلوا ثقتكم بنفسكم عاليه)😍❤️ . بدت الامتحانات. بيوم الامتحان جنت اقرة الي قريتة بالمراجعة واكيد مو كلشي الحك اقرا بس ركزت عل وزاريات وأسئلة الفصل والأشياء المهمة واذا يبقى وكت اقرا الباقي. لاتعتمدون عل مرشحات لان اني جربتة بالانكليزي 🙊 اني بالمراجعة قريت ٨ إنشاءات جان من ضمنهن ٤ إنشاءات كالوا اكيد واحد من عدهم يجي   وجان المفروض اقرة ٩ او ١٠ المهم رحت للامتحان الإنشاءات ثنينهن مقاريتهن تخيلوا الحظ🌚 بس شفت نفسي حليت كل الأسئلة وبقيت حايرة شسوي عاد عبرت من نفسي جان الانشاء يمكن wonderful holiday واني قارية الbad day ف شوية غيرت من عندة والحمدلله اجتني ٩٩. ف نصيحتي ديربالكم تقرررررون مرشحات👍😕 . مجنت احب أأجل الامتحان علمود درجة عدم الرسوب 😁. ومن ترجعون من الامتحان لتحلون الأسئلة لان ميفيد اني حليتها بالعربي وحسبت الدرجة جان تطلع ٨٣ بس اجتني ٩٢. والتوتر والخوف شي عادي بس اول متدخلون للقاعة اقروا الفاتحة لأم البنين واقروا  قرآن وادعية لحد متجي الاسئلة  حتى ترتاحون وان شاء الله انتوا سويتوا العليكم والباقي على رب العالمين   ركزوا  وانتبهوا لاتنسون فرع وحلوا على كيفكم  ...

بالتوفيق للجميع أن شاء الله كلكم تطلعون المعدلات الي ابالكم وتحققون حلمكم❤️✌️🌸.

0/Post a Comment/Comments

أحدث أقدم