نصائح تبعدك عن الفشل #4

➤ نصائح #4

لطلاب السادس ( المعيدين او الجدد ) 

المقدمة: -

قبل كلشي خلي نحجي للطلاب الي مايعرفون السادس شنو هو السادس وهل صعبكما يقال ام هي اضغاث احلام؟ طبعا السادس
كمواد ومناهج اسهل من الثالث المتوسط 🙂 وأسهل من الخامس العلمي مأكول اسهل من الرابع ليش الجذب والله الرابع اسخف مرحلة. تمام؟

زين سالم لعد المن هذا التهويل وهاي الإشاعات حول صعوبة السادس ؟

اني اكلك ليش هيج صارت سمعة السادس... طبعا قبل ٢٠٠٣ جان محد يهتم لشي اسمه سادس جان حاله حال باقي المراحل لكن بعد السقوط سنة بعد سنةكبر موضوع السادس وذلك لإنه الجماعة لغوا التعيينات المركزية لأغلب الكليات وحصروها بكليات معينة ف صار الضغط على الطلاب من قبل الاهل حتى يجيبون معدلات شبه اعجازية حتى يدخلونكليات بيها تعيين
بالعراق ف العالمكبروا الموضوع .
اذا صعوبة السادس هي نفسية وليست منهجية
ملاحظة : اذا تعتمد على هاي الدولة بشي فأني اكلك بطل من هسه 😴 فالأفضل تعتمد على نفسك بكلشي المهم وضحتلكم ليش يكولون عن السادس صعب وهو مو صعب .يجوز واحد منكم يسأل ماكو حل لموضوع الشغلة النفسية وشلون اكدر اقاوم ضغط السادس؟ اكو طبعا وهو الله ولازم تكون عندك قاعدة وأساس بنفسك أنهكلشي مقدر ومكتوب لكن الي علينا نسوي والباقي يم ربنا الكريم الي بيده كل الأرزاق وهو مقدر لكل شخص منه رزقه وحظه من الدنيا ف اتوكل على ربك بكل شيء وخليك بقاعدة وآية لا يكلف الله نفسا إلا وسعها وهاي الآية تدل على أنه نحنگدكلشي يصير ويانا واكبر من شي اسمه سادس ، مادامك بهاي العقلية فحترتاح وتبدع بالنهاية لن يصيبنا إلا ماكتب الله لنا ف انتكطالب ادرس وتعب نفسك وان شاء الله تعبك مايضيع .
نقاط أساسية لازمكل طالب سادس يتعرف عليها ويعالجها:
بعض النقاط الأساسية والمهمة الي تخلي طالب السادس او اي طالب جان بالفشل خلال المرحلة الدراسية. وبما انه انت طالب بمرحلة مصيرية مثل السادس فلابد من أن انبهكم على هذه النقاط الي بسببها آلاف الطلاب فشلوا بالسادس وماجابوا معدلات او نجبروا ان يعيد السادس لأكثر من سنة.
  

النقاط هي: 

اولا : إهمال التحضير اليومي.

طبعا اهم شي بالسادس هو التحضير اليومي الي مايدرس يومي فلا يتوقع ابدا أنه يجيب معدل التحضير اليومي هو المغذي الرئيسي المعدل ( كالحبل السري الذي يتصل بحنين الأم ليغذيه ) تحضيرك لدروسك يعني تفوقك والعكس يعني ماتجيب معدل. اذاكل يوم انت تقرا ف بالامتحان الشهري حيكون سهل عليك مجرد انك تراجع ونصف السنة أيضا فقط تراجع ولمن تصل للمراجعة الوزارية فانت دارس المادة وايضا فقط تراجع والتالي انت حافظ المادةكلش زين ومترسخة ببالك وتكون مسيطر .

ثانيا: - المصدر .

المصدر يعني مرجعك بالدرس يعني ملزمتك اوكتابك اذا جنت طالب سادس وما عندك مصدر ثابت تقرا بي وكل شهر أوكل كم يوم تغير ملزمة ف راح بالنهاية تتخربط معلوماتك ويتشتت ذهنك وتضيع تعبك فلازم تختارلك ملزمة لكل مادة وتثبت عليها مدى السادس . عكس هذا الشي يطيح حظك لانكومه طلاب ظلوا يغيرون بملازهم وبالتالي يوم الامتحان تخربط فكرهم لإنهم درسوا ب اكثر من ملزمة وبالتالي دماغهم تشتت وتشتت معدلهم 🙂.

ثالثا : الوزاريات .

اهم شي الوزاريات لانه وبالدليل انه اغلب الأسئلة بالامتحان الوزاري لآخر سنتين هي عبارة عن اسئلة وزارية مكررة نصا فلازم تقراهم ، بالإضافة الى أنه قراءة الوزاريات تعلمك على طبيعة الأسئلة الوزارية وافكار الامتحان الوزاري بالإضافة إلى أنه تتقوى كلش بالمادة فلازم تهتم بالوزاريات . لان الي أهمل الوزاريات فاته هواي اشياء .

رابعا : التسويف.

وهذا برايي مرض خطير باغلب الطلاب والتسويف معناه انك دائما تأجل قراءة دروسك او امتحانك لغير ايام وتبقى تأجل الا يحصرك الوقت ويطيح حظك وراها متلحك تقرأ منو رتعوف منو ف الأفضل ابتعد عن هاي العادة وحاول دائما اقرا .

خامسا : العلاقات العاطفية. 

سبب دمار مستقبل اغلب الطلاب هي هاي العلاقات الفاشلة الي تسمى علاقات عاطفية تلكه الطالب او الطالبة يكعد يگبل بالسادس ويضيعون وكتهم بهاي السوالف التعبانه ويكعدون يحجون باليل والنهار ويهملون رب الدرس وبالتالي هم لو يحصلون شي تلكاه الولدكاعد خطية يضحك ع البنت وهي الفطيرة مصدكه او بالعكس وحتى اليحبون بعض من صدك بالنهاية ينفصلون 💔😂لاسباب عشائرية او دينية او اي شي. بابا ليش مستعجلين على الاقل خلص سادس واللهكريم اكو وقت لهل شغلات التعبانه المؤذية لكلشي ف ديروا بالكم . والمشكلة اغلب هاي العلاقات تصير بحجة الدرس يحجون بالنهاية تعلق وراها طيحان
حظ والله المستعان.

سادسا : اعتمادك على المدرسة أو على الدولة الموقرة ههه.

بس تعتمد على استاذ معين او شخص معين وما تعتمد على نفسك بالدرس وبكل شي ف اني اكلك محد يدوملك ولا احد يفيدك غير نفسك... انت ب سنة ٢٠٢٠ لحد هسه معتمد على شخص معين حتى تفهم دروسك؟ ابد لا تتعطل بسبب استاذ او مدرسة فاشلة الشي الي ما تفهه حاول انت تفهمه بنفسك عندك ملازم جاهزة بيدك وعندك أساتذة ممقصرين على اليوتيوب.

فالشي الي يعصى عليك لا تنتظر احد يفهمك روح ابحث عنه بنفسك وخليك معتمد على نفسك ماشي؟ ترا السادس ٩٠٪ عليك وال ١٠٪ بالمية على اهلك 🙂 اذا يدعمونك دعم معنوي ف ما تحتاج احد غيرك وغيرهم واذا ما دعموك اهلك ما لازم هاي ال١٠٪ خلي يصير ١٠٠٪ عليك وانت صير ملهم لنفسك. تعلم الاكتفاء بالذات من هسه.

سابعا: الواهس . والله اني ماقرا ماعندي واهس. 

والله مالي خلك اقرا ومالي نفس افتح كتاب بابا بطل هاي العقلية مال ماعندي واهس ومالي نفس. ترا لو نمشي ورا شهوات النفس شغلتنا تعبانه... لازم تفصل بين الواجب عليك وبين واهسي مايريد.. بس تقدم واهسك على واجبك فأنت انسان فاشل، لازم تصير بعقلية واجبي فوك شهوات نفسي حتى تصير انسان ناجح ف دائما تقرا دروسك سواء حضرة جناب واهسك شاء او لم يشاء لان بالنهاية حيسالونك شلون معدلك بالسادس؟ ما راح يكولك شلون واهسك بالسادس 🙂 ف خلي هلنقطة ببالك زين إنه واهسي مايقدم ولا ياخر بمرحلة مثل السادس نهائيا ومن هسه بيعه لا بعدين يبعك بالرخص .

ثامنا : العشوائية. 

انت كطالب اوكإنسان لازم يكون عندك تخطيط للأشياء قبل لا تسويها مو تكون عشوائي وتدخل للاشياء قبل لا تخطط وتحسب خطة مسبقة لازم تكون عندك عقلية القائد لازم قبل لا تقرأ تخطط شتقرا شنو لازم تدرسه وتخلصه وعوف العشوائية.. بهيج حال تكسب وقت أكثر وجهد اقل.

تاسعا: عدهم الاستهانة بأي مادةكانت .

لا دكول فلان مادة سهلة وتهملها لان كل المواد بالوزاري نفس الثقل وبالعكس المواد السهلة استغلها حتى تجيب درجةكاملة بيها مو تعوفها ومتقراها ع اساس سهلة وبالتالي هي تكسر معدلك .

عاشرا : الخصوصي .

هوايه طلاب عبالهم اذا ما دخل خصوصي ما راح يطلع معدل وهذا الاعتقاد خاطئ جدا. الخصوصي صح شي يفيدك لكن مايعني اذا ماعندك خصوصي ماتجيب معدل هلشي غلط وخصوصا هسه انت بزمن اليوتيوب الي بي شرح لكل المنهج الي تكدر تغنيك عن الخصوصي . وشفنا الأول على العراق ماعنده لا خصوصي ولا عنده اصلا ملازم يقرا بيهم وجان بمدرسة حكومية
بقرية بسيطة وإمكانية قليلة مع هذا جاب المرتبة الأولى على مستوى العراق لانه اعتمد على نفسه ووثق بربه♥️،

الحادي عشر : الإعادة

للاسف هوايه طلاب يدخلون للسادس وهم مخلين ببالهم شغلة الإعادة وهذا الشي يخلي متراخي بالدرس ومامهتم لان مخلي بباله انه بعيد فتلكاه لا مبالي وهذا الشيكفر بحق نفسه. انت لازم تسوي العليك وتشد حيلك وكتها اذا ماطلعت معدل مقتنع بي عود قرر تعيد لو لا .

اثنا عشر: الانترنت:

طبعا للأسف طالب السادس بدال ما يستغل نعمة النت بشكل مفيد اله وايجابي يكعد يستغله لاشياء تافهه تضيع مستقبله. بابا اول شي خلص درسك وواجباتك ثم افتح النت وتسله ورفه عن نفسك. وحاول قدر الإمكان تستغل النت بشكل إيجابي مثلا تتابع يوتيوب شرح او تنزل ملازم او ملخصات تفيدك من النت لو تسده افضلك . اخيرا :كلام الناس. يجوز واحد يسأل ليش ختمت بهاي النقطة(كلام الناس) ؟ لان كلام الناس اخر شي افكر بي ف اخر نقطة جت ع بالي وكلام الناس عبارة عن تحبيط معنويات او غيره او جهل او حق كل شخص منه عانى من هاي الظاهرة وماخلص من كلام العالم فهذا الي يكلك ماتكدر تطلع معدل او ماتكدر تدخل الكلية الفلانية او او او.... هذا الكلام المحبط الي هدفه التاثير السلبي علينا....كله اضربه بعرض الحايط وتذكركلام الناس هو أراء او توقعات يعني مالها حقيقة ابدا... ولا تصير نفسية حساسه تتاثر بالكلام السلبي بشكل مباشر بل بالعكس خليك انسان قوي ويثبت للناس عكس توقعاتهم السلبية فالي يكلك ماتكدر اثبتله انك تكدر وخليكلامهم السلبي شي يخفزك حتى تصل لاحلامك.
خلي ب عقلية اكسر خشم اي مشكك ومنتقد ومنتقص مني اي؟  لان اذا شافوك ضجت منكلامهم فراح يفرحون فأنت لا تعبرهم وحتلوكلامهم اذاك فلا تبين هلشي وتجاهلهم هيج حيضوجون هم بدال ما يضوجونك.
بالنهاية:
حجيتلكم اهم شي ف خلي هلكلام ببالك ولاتغلط غلط الي قبلك وخليك بهاي العقلية الي لازم تكون بيهاكونك طالب سادس. واضمنلك تصل لأي شي ببالك من بعد توكلك على ربنا♥️🙂 والتوفيق والتسهيل للجميع أن شاء الله
🙏اخوكم وداعيلكم دائما : سالم ال منصور 
------------------------------

شاركونا بتعليقاتكم👇👇👇

0/Post a Comment/Comments

أحدث أقدم