دليل دراسة مادة الرياضيات #5

➤دليل دراسة مادة الرياضيات #5



 طبعا مثل ما تعرفون إنه مادة الرياضيات مادة علمية مابيها درخ ، مادة تعتمد على شغلتين اولا حفظك للقوانين والثانية هي الممارسة اليدوية في حل الأسئلة ، بدون هاي الشغلتين ما ممكن تضبط المادة

 فلازم و ضروري وواجب عليك انك تمشي بهاي الطريقة: 

انه تسويلك دفتر خاص بالمادة وحل بهذا الدفتر كل تمارين وامثلة الكتاب بيدك خوش شكو ملاحظة او شي تخص مثال او  تمرين او سؤال وزاري لازم تكتبها بدفترك وتدونه ولازم تفهم كل خطوة ليش صارت وليش هيج نكتبت وكلها تحل بيدك ابد لا تقراها شفهي اذا ما هيج نقرا مستحيل تضبط المادة ، ولازم كل فصل تقرونه انك تحل وزارياته الي واردة من 2011 لحد 2019 ما تترك الوزاريات ابد لان هي المهمة جدا جدا وهي الي تقويك وخليك تسيطر على المادة وتخليك تعرف افكار الأسئلة الوزارية كلها . . . . حتى لن تصل لنهاية السنة في انت تكون مضبط كلشي ومسيطر و ضامن 100 درجة بالمادة • لازم يكون عندك هيج خطة و مليانه ملاحظات وكلها حاله بيدك ، حتى يعتبر مرجعك وملزمتك بكل الامتحانات سواء كانت الشهربات او الوزاري

 المخلص:


تسويلك دفترين دفتر خاص باسئلة وتمارين الكتاب والثاني خاص للوزاريات الي واردة من 2011 ولا تقرا وزاريات اقدم هاي كلش كافية وطبعا عندي وزاريات كومه لمادة الرياضيات موجوده على قناتنا بالتلكرام رابطها : [email protected]

 نظرة عامة عن الأسئلة الوزارية لمادة الرياضيات: 


طبعا دائما باسئلة مادة الرياضيات يجي 6 اسئلة ونترك سؤال ودائما يجي 15 فرع وزاري نترك 5 افرع وجاوب على 10 افرع يعني 150 درجة نترك 50 وتجاوب على 100 درجة دائما السؤال الرابع والخامس والسادس بيهم 3 افرع لكل سؤال وبيهم ترك ضمني يعني 3 افرع تترك فرع من كل سؤال وتجاوب على فرعين واحد هاي ثابتة دائما يعني من أصل 15 فرع راح تترك 5 أفرع وهذا الشي خلي نسبة عالية جدا انك تجيب درجة عالية بالمادة.

نجي لتوزيع الدرجات حسب الفصول في الإمتحان الوزاري:


-اول فصل الاعداد المركبة يجي منه فرعين دائما 20 درجة....
-الفصل الثاني القطوع المخروطية أيضا فرعين واغلب المرات يجي سؤال خارجي منه أيضا  20 درجة....
-الثالث فصل التفاضل وهو اهم فصل يجي منه 4 فروع يعني ( 40 درجة ثابتة واغلبها نصا تجي...
-الفصل الرابع وهو التكامل 30 درجة ثابتة...
- الفصل الخامس المعادلات التفاضلية 20 درجة...
 الفصل السادس الهندسة أيضاً 20 درجة وغالبا مبرهنات ثابتة تجي لكن آخر فترة صارت مرات تجي مرات ما تجي لكن المبرهنات مهمة كلش.

*ملاحظات مهمة عن مادة الرياضيات : -


 اولا : لازم نقرأ الوزاريات الي واردة في 2011 إلي هي سنة تغير المنهج
 ثانيا : تحل بيدك وتسويلك دفتر خاص بيك
 ثالثا : افضل الأساتذة على اليوتيوب هم غيداء طارق واستاذ حيدر وليد وهنالك اخرين ما اعرفهم

نصيحة الكم 💜
اتبع الي حجيته حتى لا تتندم مثل الي قبلكم وماكدروا يسيطرون على المادة بالنهاية وضاع تعبهم الوقت موجود انت فقط رتب وقتك....
وحاول دائما تعتمد على نفسك خاصة بالسادس ترا كله يعتمد عليك 💙
وكون شخص تفكيره واسع ولازم تعرف وين مصلحتك تكون واتبعها...
حلمك يستاهل التعب وتذكر دائما " العبرة بالخواتيم سادتي الكرام ".
---------------------------------

شاركونا بتعليقاتكم 👇👇

0/Post a Comment/Comments

أحدث أقدم