قصة نجاح غيداء #5

➤ قصص نجاح #5


السلام عليكم   طلاب السادس 

 اولا ادعوو من الله لكم التسهيل والتوفيق  والمعدلات  العاليه   
 اني كنت طالبه سادس مثلكم  واحس بكل الي دا تمرون بي  بس بفضل الله عز وجل  وقوه  العزيمه  الي عندي كدرت انجح من السادس   بالنسبه للسادس    والضروف الي مريت بيه  جانت صعبه.

   اولا نبلش بالدروس الخصوصيه     دخلت بيها وكانت فتره كلش صعبه ماكدرت أضبط  المواد  بهاي الفتره  كلت اعوض  بالمدرسه  اجت المدرسه  نفس الشي مالحك  امتحانات  يومي  ونكمل  دروس  ويه الاساتذه   خلصت المدرسه  اجت العطله  ٣ اشهر   وطبعا  بالبديه وقبل العطله  وقبل المدرسه  جان هدفي معدل ٩٧ او ٩٦ ع الاقل  وااجتي  فتره ٣ اشهر  هاي الفتره  الي لازم اضبط بيه  المواد واطلع معدل   بس  كان المكان الي كعدت اقره بيه غرفه  مجرد هيكل  وبنكه    والارضيه  عباره  عن جير وكاعده  عليه  رغم كل هاي الضروف   كلت لازم اجيب معدل  طبعا فتره المراجعه  اصعب فتره  يمر بيها طالب السادس  والكل راح يحس بهذا الشعور  ضغط نفسي  والاحساس  بعدم ضبط المواد    ابد ماضبطت  المواد  شكثر قريت وتعبت  وجان   غلطتي سويت مراجعه واحده  لكل المواد يعني كل ماده ١٥ يوم  يعني كلت علمود اضبطها  لان اني جنت مامضبطه  المواد وخصوصا الاحياء ٢٥ يوم بقيت بيها لان مالحكت  اقراها بالعطله  وطبعا خلصت مراجعه  بس خليت كل ماده يوم اراجع  النقوصات  فقط ما اعيد الماده  كلها  وهاي الضغط  النفسي  الي تحسه  ساعه اطلع معدل ساعه لا هاي كانت  بفتره  المراجعه  اجت الامتحانات اه اه اه  اصعب فتره  مريت  بيها بحياتي   وامتحنت  اسلاميه  وانكلش  واجلت  خمس مواد   التأجيل لان  جنت ما اخلص الماده  بيوم الامتحان  يعني اقل شي  ٢ فصلين مالحك اراجع بيوم الامتحان  والخوف يزاد من ادخل واشوف الاسءله   اقل شي فرعين او ٣ افرع ماعرف  بالاسءله  يعني من كل سوال فرع  وهذا الش مرعب     بكل الخمس المواد  الي اجالته  ادخل واشوف الاسءله  واحل  ودرجتي  احسبه  مو  زينه يعني ب٨٠ تطلع  اجل وواطلع  من الامتحان  والشعور بالإحباط من اول امتحان  تتاجل  وبعدها خلصت فتره الامتحانات  اجت فتره  الدور الثاني  واني ماجله  خمس مواد والوقت جان عندي ٤٠ يوم فقط   سويت جدول وبلشت اقره الي ملحكت  اقراه  بيوم الامتحان  وبلشت اكتشف  الأخطاء  الي ارتكبتها  بيوم الامتحان  وطبعا  البعض جان ينصحني  اعيد  لان خمس مواد مو هينه  بس اني هاي فكره  الاعاده  ماحطيته  بالي  نهاءيا  ابد مجرد تفكير  مافكرت  بيها  لان اني كنت احس اني قادره  انجح  واجيب معدل هاي من غير حجي  الحجي  والضغوطات  الي صارات  لان اجالت  خمس مواد  هاي الفتره  كلت لازم  اجيب معدل  مهما يكون   هاي فتره ٤٠ يوم هيه الي تنجحني  وبديت  اقره  وأقره  الا ان  علنوو  النتاءج  الدور الأول  وحصلت  بالاسلاميه  ١٠٠ وانكلش  الي جنت كلش خايفه  منه واتوقعت  ي طلعي ب٨٠  طلعلي  ٩٤ هذا الشي زاد حماسي وكملت اقرايه  وبلشت  الامتحانات  الدور الثاني  يوم وره  يوم  ماتتوقعون  شكد جانت هاي فتره  الامتحانات  الدور الثاي صعبه كلش جانت صعبه   دخلت واتوكلت  ع الله وامتحنت   والنوم  ماشفته  بهاي  الفتره  انام ساعه  وحده باليل  اوساعتين  والنهار ساعتين  فقط  لان مالحك  يوم وره يوم والماده  طويله   المهم دخلت اول امتحان  وجاوبت   وثاني  جاوبت  انرفعن  معنوياتي  وكملت  بقيه  الامتحانات  اخر امتحان  امتحنته  ورجعت  للبيت  ماتتوقعون  الراحه  الي حسيته  ع الرغم اكوو اخطاء   لكن  الشعور  انك  خلصت  السادس  شعور  لايوصف    وطبعا  كل طالب يعرف هوو شكد راح يجيب  معدل واتوقعت  معدلي ٩٢ او ٩١  وبالفعل اجا معدلي  ٩١    بالبدايه  قبل لا ادخل  السادس  جان الكل  متوقعني  صيدله  او دكتوره    بس بالبدايه ضجت اشويه  بعدين  شفت  هاي النعمه  الي حصلتها   كلش كافيه  عليه  واتقبلتها    وطلع قبولي معهد طبي  قسم تقنيات  صحه مجتمع  البعض يرا  هذا المعدل  قليل  بعد كل هاي القصه لكن بالنسبه  الي والتعب  الي تعبته  جان كلش عالي   هذا المعدل والحمد لله ع كل حال وكل التوفيق  انشالله لطلاب السادس مع تحياتي غيداء.

---------------------

0/Post a Comment/Comments

أحدث أقدم