دليل دراسة مادة الكيمياء #6

➤دليل دراسة مادة الكيمياء #6



طبعا اي مادة تكون صعبة اذا انت تستصعبها ... لكن إذا انت تاخذها بنظر الاعتبار انو هي مادة سهلة حتكون مادة سهلة مهما كانت المادة هاي.
نقطة لازم تبقى ببالك ونتفق عليها. مادة الكيمياء  تشبه مادة الفيزياء. بيها جزء كلاميات وجزء المسائل العلمية لكن الإختلاف هنا انه مادة الكيمياء 70 ٪عبارة عن مسائل علمية وقوانين والباقي درخيات ويجي منها بالوزاري  30 درجة كحد اعلى اما الباقي هو عبارة عن مسائل علمية. وطبيعة مادة الكيمياء هي مادة سهلة مثل الفيزياء عبارة عن قوانين ووحدات اذا تقراهم وتحفظهم انت سيطرت على المادة.. لكن خلي شغلة ببالك لازم يكون اساسك قوي بالضرب والطرح والقسمة تبع االعداد العشرية الن اغلبها رياضيات المسائل تعتمد على اساسك بالرياضيات حول الاعداد العشرية ف لازم تضبطهم حىت ما تواجه اي صعوبة بالحل . وطبعا مادة الكيمياء بيها 8 افصل بالنسبة للاحيائي
الاحيائي يختلف عن التطبيقي  بفصل العضوية اي هو من اسهل الفصول اي هو يعتمد عليك اعتماد كلي.. كله حفظ مابي مسائل اذا 
حتفظه تضمن 15 تضمن الدرجة يب اما كيمياء التطبيقي ف شالوا منها فصل العضوية وخلوا الصناعية الي يجي منه 15 درجة 
بالإضافة إلى انهم حذفوا منها فصل الحياتية الي موجود يم الاحيائي ف صارت 7 فصول.
هاي نظرة شاملة عنها

طريقة دراسة مادة الكيمياء:  

الجزء الأول وهو الكلاميات : 

طبعا كلاميات الكيمياء بالامتحان الوزاري عليهم 25_30 درجة بالوزاري . تقراهم ورقة وقلم 
تمام ؟طبعا لازم تضبط شكو سؤال ب الكلاميات وارد بالوزاري من سنة تغير المنهج 2013 إلى يومنا هذا مع ضبط اسئلة الفصل تمام ؟  نسبة الوزاريات المتكررة بالكيمياء   وصلت 98 ٪بالدور الأول 2019 ف اذا ضبطتهم انت امورك توب. 
الجزء الثاني وهو المسائل العلمية : طبعا مثل الفيزياء عبارة عن قوانين خاصة بكل فصل وموضوع تضبطهم مثال مثال امسك وأهم شي حتفظ الوحدات مال كل مطلوب وسؤال  مهمات ابالمتحان الوزاري. ودحگ اذا ما تسوي دفتر خاص بمسائل مادة  الكيمياء والله العظيم حتخسر ماشي؟ انت لازم تحصلك دفتر ابو ال 100 ورقة للكيمياء حتى تكتب  الأسئلة بيدك وتكتب 
الملاحظات عن كيفية حل كل سؤال حتى بالامتحان من تجي تدرس فقط تقرأ الملاحظة راح تذكر الحل وتضبطه ويعتبر مرجعك بكل امتحان لحد ما تصل الوزاري تصير فطحل بالمادة ( يطيح حظك اذا ما تسوي دفتر ). 
وهي سهلة انت مجرد حتفظ القانون مال كل موضوع ف اعتيادي مجرد تقرأ السؤال راح تعرف القانون المطلوب وتنزله 
والباقي يعتمد على اساسك بالرياضيات ...( الاعداد العشرية ضرب وجمع).... والمسائل بالامتحان  الوزاري عليهم 70 درجة. وطبعا حتى بيدك تمرين تمرين سؤال سؤال... وأهم شي التمارين لا تخلي تمرين ما تحلى لان دائما يركزون عليهم بالوزاري . ولا تنسى لازم تخلي الوحدات مال السؤال ....❤️

طبيعة األسئلة الوزارية لمادة الكيمياء:  

طبعا يجي كلعادة ستة اسئلة وترك سؤال ، يعني مجموع الدرجات مع ترك السؤال والترك الضمني تقريبا 140 درجة ف انت تترك 40 درجة وتجاوب على 100 درجة ، ومن اصل 140 درجة ف يكون على اسئلة الكلاميات 40 درجة والباقي  مسائل علمية. دائما ب التصحيح بالوزاري ، حيحاسبون على الوحدات نهاية السؤال...  اذا وصلت  نهاية السؤال وكتبت الناتج بدون وحدة ف ينقصك درجتين واحتمال درجة حسب تختلف بين السنوات  اما اذا ما كتبت الناتج وخليت وحده ف احتمال  ما يحاسبونك.. 
بالوزاري اهم شي عدهم انك تكتب القوانين صح وطريقتك صح حتلو تضرب وتجمع غلط لكن قانونك صح وشغلك صح بس عندك أخطاء حسابية ف ينقصونك منك درجة فقط. 

نصائح عامة عن مادة الكيمياء: -  

لازم تتخذلك ملزمة بالكيمياء لازم. ولازم تعرف تختار المللزمة ?? وأهم شي انك من تأخذها لا تغيرها ابد.  لازم يكون عندك ملزمة وزارايات خاصة بالكيمياء حتى تعرف شلون تجي الأسئلة الوزارية وتعرف على شنو يركزون وطبعا كل الوزاريات والملازم الزينة تلكاهم بقناتنا على التليكرام
( شبكة نيوتن التعليمية معرفها Newton1998 (@
ودير بالك مايكون عندك دفتر خاص بمسائل الكيمياء دير بالك ... لان هذا الدفتر يعتبر  مرجعك بكل امتحان ومراجعتك بالوزاري وسر تفوقك. تكتب بي ملاحظات عن كيفية حل كل سؤال بالكيمياء وبهيج حالة انت ضمنت درجة كاملة بالمسائل . 
هسه نجي نتعرف على افصل المادة وتوزيع الدرجات على كل فصل :
#االاحيائي 
الفصل1 /علم الثرموداينمك 17-20 د 
الفصل2 /اتزان كيميائي 16-20 د 
الفصل3 /اتزان أيوني24-28 د 
الفصل4 /كهربائية 18-22 د 
الفصل5 /تناسقية 12-15 د 
الفصل6 /تحليلية15-20 د 
الفصل7 /عضوية 13-17 د 
 10-6 حياتية/ 8الفصل
المجموع الكلي: 130-145 د 
#التطبيقي:
الفصل1 /علم الثرموداينمك 18-20 د 
الفصل2 /اتزان كيميائي 15-20 د 
الفصل3 /اتزان أيوين 20-25 د 
الفصل4 /كهربائية ية 28-32 د 
الفصل5 /تناسقية 15-17 د 
الفصل6 /تحليلية 16-20 د
الفصل7/صناعية 14-18د

وقد يزداد هذا التوزيع
---------------------------------
شاركونا بتعليقاتكم 👇👇

0/Post a Comment/Comments

أحدث أقدم