قصة نجاح طالب #6

➤ قصص نجاح #6


طبعاً بعد ما نجحت من الخامس حالي حال كل الطلاب بديت افكر بالسادس

 بالبداية جنت مخايف كلش كلت هي مرحله حالها حال كل المراحل  وأيضا بالعطلة دخلت خصوصي وهي الرياضيات والفيزياء والكيمياء اما الانكليزي فخليته مع بداية الدوام حتى يتوزع الضغط عليه وفعلاً فادتني هاي الخطوه لان الانكليزي صار المادة الي ندرسها بالخصوصي  والمادة بالمدرسة واصلين نفس الشي تقريباً لذلك الحمد لله مصار عدي خربطه بالمادة أما العربي فدرسته على اليوتيوب ومدخلت خصوصي لان مردت أكثر مواد خصوصي لان مراح الحك.

 بداية السنة:

 بعد الشهر الاول تقريبا بديت احس بالتعب من تراكم الامتحانات مال المدرسة مع امتحانات الخصوصي اضافتا الى توقيت بعض المحاضرات غير المناسب تقريبا بالنسبة اليه. ردت اعيد سنه وضجت بوكتها بس الحمدلله اهلي طمنوني وعدت تفكيري والحمدلله كملت اجتي نتيجه الفصل الاول ناجح بس درجات مو كلش زينه وبنصف السنه حسنت من مستواي ورفعت درجاتي بالمواد كلهن الا العربي جان اصعب ماده بالنسبة اليه بقت نفس الدرجة 57 ب57😁  بعطله نصف السنه استمرت المحاضرات وجنت اقرأ بالنهار المحاضره الي اخذها من ارجع حتى متتراكم المواد وبالليل جنت ارتاح .

 الفصل الثاني:

 طبعا الى حد هنا اني ضامن التأهل😅( الدخول) للوزاري لان ناجح بالفصل الأول وبنصف السنة بس استمريت اداوم وامتحنت بالشهر الاول فقط اما الثاني ف امتحنت بس امتحانين على ما اذكر مع العلم اني جنت احاول استفاد من المدرسة أيضا مو بس على الخصوصي مثل ما سووه بعض الطلاب  لان الشخص يحاول يجمع كل المعلومات الممكنه لان تفيده بعدين.

 بداية عطلة المراجعة:

 بديت اراجع المواد مع استمرار محاضرات الرياضيات لان ملحكنه نكمله وأيضا خليت مراجعتين  في المراجعة الأولى كملت المواد كلهن بس اكو كم نقص في بعض الفصول وجنت احس الرياضيات مو كلش فاهمه وهذا راح ادفع ثمنه بعدين.
في المراجعة الثانية الحمد لله كملت كل المواد بس أيضا اكو خلل بالرياضيات وهذا الخلل جان بسبب تقصير مني لان ما اطيته وقت كافي وايضا تقصير من استاذ المادة لان مخلص المادة بالوقت المناسب فمصار وقت كافي للمراجعة اله طبعا أثناء المراجعة عانيت بعض الشيء من الدراسة برمضان وبالاخير  توصلت لحل وهو اقره وره الفطور ساعتين تقريباً وراها انام واكعد ب1 تقريبا اقره لحد السحور و وره السحور هم اقره  والحمدلله مشى الحال.

في الامتحانات:

بديت الامتحانات وأول شي امتحان الاسلاميه امتحنت بس جنت احس  جوابي مو مثالي كلش لان احنه جنه بالسادس التطبيقي مخلين شرط الاسلاميه مو اقل من 90 بس بعدن لغوا الامتحان لان على مود تسريب الأسئلة واني الحمد لله جنت ما اعرف بالتسريب اصلا ولان الغش ميوفقك بحياتك فنصيحة ابقه بعيد عنه احسن  والامتحان مثل ممعروف صار اخر امتحان كلت الحمد لله فرصه حتى اعوض.

امتحان العربي:

طبعاً امتحان العربي المشكلة جانت واضحة في بداية السنه عندي وعند بعض الطلاب الي وياي انو مكاعد توصل النه الفكره واني جنت مداخل خصوصي لذلك درست ع اليوتيوب والحمدلله مشى الحال امتحنت بس جنت خايف لان العربي وخصوصاً القواعد من اجاوب متعرف اجاباتك صحيحة أو لا لان ماكو شي من الكتاب مثل الايه او البيت الشعري وكلت ما اجل لان العربي من وجهت نضري سواء تأجيل او لا هو نفس الشي بالدور الاول او الثاني وأيضا جانت وجهت نظر اصدقائي فخلصت الامتحان وفكرت بالامتحان الوراه بس الخوف بعده.

امتحان الإنكليزي:

الإنكليزي جان من المواد الي احبهن كلش فالحمد لله مواجهت صعوبه وجانت الأسئلة سهلة لذلك هذا الامتحان اطاني دفعه معنوية لباقي الامتحانات.
امتحان الاقتصاد :
الاقتصاد من المواد الجافه بس اني الحمد لله من قريت الاقتصاد اعتبرته كمعلومات عامه وأيضا من جنت اقره أربط الي اقراه بالواقع وهاي فادتني الطريقه بالامتحان والحمد لله عديته على خير
امتحان الرياضيات:
الرياضيات من خلال المشاكل الي واجهتها بالمراجعة جانت نتائجها تأجيل الرياضيات للدور الثاني وأيضا الأسئلة جانت مركزة كلش وتقريباً 90٪من قاعة الامتحان هم اجلوا.

امتحان الكيمياء: 

الكيمياء من المواد الي ما احبها كلش يعني ما اكدر اوصف شعوري تجاه الكيمياء يعني جان شعور بين  الحب و الكره .. هذا اسم روايه صار😁بس الحمدلله جاوبت بس مو مثل جواب الإنكليزي والاقتصاد.
امتحان الفيزياء:
الفيزياء حالها حال الإنكليزي جنت احبها كلش والحمد لله عدت على خير وجاوبت خوش جواب.
امتحان الاسلاميه :
اعاده الامتحان جانت فرصه لقراءة المادة مره ثانيه والحمد لله كدرت اضبط المادة اكثر وقبل الامتحان بيوم جان نهائي كاس العالم وانوب اني مشفت ولا لعبه من عده عاد ابويه كال تعال شوفها رغم انو هو ميقبل اشوف لعبات وقت الامتحان لحكت على الشوط الثاني . اجه يوم الامتحان والحمد لله اسئله سهلة جانت وجاوبت خوش جواب.
يوم النتائج:
اجتي النتائج والحمدلله جانت احسن من ما توقعت العربي توقعت ال60 ما اوصل بس الحمد لله جتي 72 والإنكليزي والفيزياء.

0/Post a Comment/Comments

أحدث أقدم