قصة نجاح الصيدلانية عمرة #7

➤ قصص نجاح #7


بداية السادس تجربة حلوة حاولو تعيشوها بكل صعوباتها وتفاصيلها والاحلى منها من تصلون لحلمكم بعد كل الصعوبات الي مريتم بيها بهل مرحلة


اول سنة الي بالسادس كان معدلي 85

للاسف ما كان يوصلني لحلمي والكليه الي اريدها مريتو بفترة جدا صعبي وقررتو اعيد السنة
طبعا دخلتو بكئابه بالبدايه وخيبة امل كبيرة من نفسي ومن ما قدرت افرح اهلي والي احبهم بمعدلي
قرار الاعاده كان صعب علي وسمعتو حكي كثير من الناس كان يحبط معنوياتي واتأثر بينو بشكل  بالبدايه بس كان شغفي انه اصل للشي الي اريدا اقوى والحمدلله اتجاوزتو هالفتره وآمنتو بنفسي وقدرتي وخليتو حلمي قدام عيني وحكي الناس والمقارنات مالم تحولو من نقطة ضعف الى حافز الي  وبدينا سنة دراسيه جديدة.

خلال سنتي الثانيه بالسادس صلحتو كثير من اغلاطي بالسنة الاولى من طريقه دراسه ومن تنظيم وقت وغيرها درجاتي اتحسنت ومستواي صار احسن وهذا هم من الاشياء الي زيدت ثقتي بنفسي وخصوصا بالمواد الي كنتو اعاني منها مثل الرياضيات والكيمياء الي كانت سبب نزول معدلي بالسنة الاولى وكان عندي تخوف منها كبير.
عدت السنة ووصلتو لفترة المراجعة الي انتم بيها حاليا اهم عامل بهل فتره تكون مرتاح نفسيا كنتو احاول قدر الامكان انه ما اقلق او اتوتر ولا افكر بلامتحانات والمعدل ولا احمل نفسي فوق طاقتا كثيغ  كانت فتره عاديي ما بالتهويل الي نسمعو خذو رستات اقعدو مع اهلكم تواصلو مع صديق ترتاحون معانو  كل فتره شوفو شغلات تحفزكم فكرو بالكليه الي تحبوها اتخيلو نفسكم بيها
ودائما كنتو اذكر نفسي بانه غاح تعدي واصل بالنهايه .
اتعبو هالفتره وتذكرو انه ماكو مثل لحظة من تطلع الدرجات وبعدين قبولك بالكليه الي تريدها صدقاً فرحة هالحظة  تستيهل كل التعب مالكم هسه
العام كنتو اقرا الرسائل مال طلاب الي خلصو
ووصلو .
واليوم انا وصلتو وانتم غاح تصلون بأذن الله🙏🏻
عمرة / طالبة في كلية الصيدله 
بمعدل٩٦.٦
----------------------------

0/Post a Comment/Comments

أحدث أقدم