قصة نجاح لدكتور مكافح #8

➤قصة نجاح لدكتور مكافح #8



مرحبا اول شي 🖐️

صراحة هاي اول مره احكي هذا الكلام
ويمكن ال حكي الغاح يجي يعتبر فظفظه او اغيد اريح صدغي
واشقد انسألتو عنو يا اغلس يا جوابي دائماً يكون
( معرف بس الله غاد هشكل)

نبدي هسه بس شويه واح نطول :

21/11/1997 مواليد الموصل


بل مراحل السابقة لسادس درجاتي لنجاح بس

-وكنتو اعشق  بنت بجنون من صغري
كنتو متخيله دنيتي وحياتي ونفسي واخرتي

-وكبغنا

-نجحتو لسادس بسنة 2014
وبنفس هل سني سقطت الموصل على ايد داعش
_البنت ال احبه وال اغيده طلعت هي وأهلها خارج الموصل.

_مرحلة كآبة دخلتو 3 اشهر
 ول كان يواسيني -6- اصدقائي الي كبغتو معاهم من انا طفل لي حد هذيك اللحظة واخير فترة يداورون عل نومه عندي بلبيت

_وجاني خبر بعدها بفترة انو البنت انخطبت

_بعدها بسنتين خطبتو بنت كرايبنه برغبت
اهلي وصراحه انا هم غدتو انسى الشي الغاح .

-جا التحرير -
 _انقصف البيت ونحنه بينو وما بكيتو

_اصدقائي ال -6- كلم ماتوا وما بكيتو
(ليش ما اعرف)

_اموالنا نصه انقصفت ونص الخ انسرق وهم ما بكيتو

-جت اول سني لدوام بعد التحرير
2017-2018

_ما داومتو صراحة لان نفسيتي بهذاك الوقت تقرا سالب وهم التهينا بتعمير البيت

-جت السني 2019-2018
داومتو اول شهر وابالي بس نجاح
وعلى غفلة يجيني خبر

_البنت ال احبها رجعت عل موصل وكن فلشت خطبتها

_بكل بساطة انا فلشتو خطبتي من كرايبنه واستلم مشاكل

_قمتو اذا اذكر هل بنت اذكر بنت لخ ارجع اذكر اصدقائي ارجع اذكر....... اووووف

_فجنيتو صراحة تمنيتو بس اغشع البنت ال اغيده 

_و بعدها بشهرين قررت اتقدم و اخطبها

_بس كلت خلي اروح أكلها بعدكي تريديني لو لا
ما اطولها عليكم

$&#قابلتني اختها الأصغر منها بموقف سمعتني اربع كلمات بس
 نستني بهل كلمات اسمي وعشيرتي و قهري و ضيق صدري و اصدقائي و وهانتني وحسستني انو انا رخيص بس بهل اربع كلمات

واذكر بكيتو - اي بكيتو -

-هذاك اليوم صادف 1/4 وضل 3 اشهر تقريبا لأمتحان الوزاري

وانا حالي؟؟  قريتم فوق👆

-لا ارادياً عملتوا جدول للمراجعة وانا اصلاً بعد نص المواد ما اعرفها ولا مسلم عليها

-بس قلتو( يا الله) بس

-ما اقللكم كنتو اقعد بل 5 الصبح لا كذب
والله كنتو انام واشبع نوم
بس وقت الكنتو ادرس ادررررررررس

-ف  دك دك دك دك دك دك دك دك دك
درس

-الا ضل اربعين يوم لل امتحان

_من جت هل ايام لا قمتو انام 4 ساعات بس بل يوم
_واعز اصدقائي بذاك الوقت كانت الدلة مال قهوة
_ميحتاج كملت امتحانات رحت لدكتور مجاري بولية لان صار عندي رمل بل كلية من وره الكهوة
_المهم كملت امتحانات دور اول اجلت عربي بس

-وطب طلعت النتائج

_شني هاي اهلي فرحو وخبصوها الدنيا
وصيحوني وكالو بصوت عالي

 (ول معدلك........)

_صراحة ما اهتميتو وكملتو درس للعربي و امتحنتو دور ثاني وكلششششش عادي

-وطب طلعت النتائج

_هم اهلي فرحو وصاحو بصوت اعلى
وكالو ( ول بلعربي اخذت..........
ومعدلك الكلي..........)

_وهم مهتميت
ورها نزلت لشغلي ونسيت السالفة اصلاً

-وطب طلعت القبولات

_واهلي خبروني فرحانين ويهوسون
وصاحوا بصوت اعلى وكالو

-(ول انقبلت - _  { طب عام }  _ -)

اي صحيح معدلي دور اول 98 وكسر
وبلعربي دور ثاني اخذت 97 (اقل درجة)
والمعدل الكلي هم جان 98 وكسر

فاقول النفسي هل هذا بجهدي وتعبي
لو بفضل و كرم الله
لا اكيد بفضل الله

وبل مناسبة بحياتي ما كيتب هشكل جريدة والله ينتقم من الخلاني اكتبه 😂
خلاني اذكر ايام زفففففففت😩.

واذا كملت قرايه فتستحق جائزة نربل🌺🌸.
-------------------------------------

0/Post a Comment/Comments

أحدث أقدم