قصة نجاح بمعدل 98 طالبة اسنان #3

➤ قصص نجاح #3

السلام عليكم 

انه طالبه حاليا مرحله ٢ اسنان طلعت بالسادس معدل ٩٨ضبط .

اول مابدت العطله من الخامس للسادس تقريبا من بداية شهر السادس مثل ميكولون شديت احزامي للسادس واتوكلت وبديه اقره ودورات بديت اول شي دخلت كيمياء وانكليزي بالرغب انو حالتنه يعني الحمد لله مستوره هي بس بابا ضغط على نفسه وهاي ودخلني ومخلاني بعازة شي المهم وره مابديت دورة الكيمياء والانكليزي  ب١٥ يوم بدة دورة الرياضيات بالرغب انه جنت كل شاطره بهاي الماده وحته اهلي مجانو موافقين انو ادخل بيه بس عارضتهم ودخلت كلت علمود لا اتحسف بعدين واكول ليش مدخلت المهم هاي جانت كله بشهر رمضان تقريبا وبنفس الوقت جنت اقره فيزياء على المدرس مال يوتيوب نورالدين وخلصت تقريبا برمضان الفصل الاول عليه وانوب وره وره العيد دخلت عربي بصراحه بالبدايه زينه وي ابو العربي بس بالاخير ضجت منه وتركت من بعد ماخلصنه الاستفهام والنفي  المهم خلصت العطله وانه مخلصه ٦ افصل فيزياء ورياضيات واصلين الفصل ال٣ بدايه اعتقد والانكليزي مكملينه بالدوره بس هو خله علينه الانشاءات والقطع والادب احنه نقراهم يعني تقريبا درسنه بس الاكتفتي ووشوي اعتقد من الكتاب الطالب المهم بدت المدرسه وبدت المعانات وي الاحياء والاسلاميه والادب لان دخلت للسادس الدوام وانه مقاريتهم وهاي فتعبني كلش كلش وانه من طبعي مو دراخه احب الفهم والمساءل الحسابيه يعني تدرون جنت بتحضير الاحياء اضل ب٣ ساعات اكثر بحيث اقراء بالنهار واراجعه باليل وبالمدرسه هم اراجع بي يله احفضه بحيث جان مبجيني المهم واذا طبك بنفس اليوم ادب واحياء هاي كول كعدت بالاربعه الفجر اقره😂 المهم بالرغب انه ابيتنه جان ماكو بكان الي اقره بي يعني ماعندي غرفه بحدي لان بيتنه كله غرفتين واحنه ٤ بنات وابوي وامي وبيبيه اله غرفه وانام وياهه يعني جنت تعبانه كلش من هل الموضوع فجنت اروح لبيت عمو جوارينه عدهم غرفه فارغه مو كلش فرغه وانما مرات بت عمي وهاي تجي بيه يعني غرفته    وهم عدهم جهال اصغار ويتباجون وهاي فجنت كلش تعبانه من هل موضوع وبالرغب احنه معدنه مجال وهاي بالبيت علمود اقره انه يجونه خطار وبيت عمو مرات يجونه بالليل وعدهم جهال وكحين فينكلب بيتنه كلاب وعمتي همين تجيتنه كل ماتصير جمعه وسبت وعده مجال تجينه وهي عده جهال يعني انه عود بالجمعه والسبت احاول اراجع اشوف الماده الي مامخلصته اقراهه يجونه بالهليومين خطار ونصير هوسه المهم رغب كل هلضروف قريت وهاي وطلعت بالفصل الاول معدل ٩٥ والحمد لله بالرغب اول مشاف ابوي الشهاده كال جا هي الخمسه وتسعين وين توصلج وانوب كال لا وهاي مو كلش لان شبيه ٩٥ 🤗لان تعرفون ٩٥و٩٦معلكين خطيه المهم واجت نص السنه وهم قريت وتعبت واذكر باجر عدي امتحان عربي بنص السنه واجونه بيت عمو باليل وعود على اساس ادرس فضجت وطبكت الكتب لحد ماراحو المهم طلعت بالنتيجه ٩٣ بنص السنه جانت عدي بالانكليزي والعربي بالثمانين وانه عدي سوابق بالانكليزي اذكر بالانكليزي ب٣متوسط طلعت بي بالخمسين فضلو يعيروني بي ويكولن مطلعين بالانكليزي درجه واصلا جانو ولا مصدكين اطلع معدل 😂لام عمري ممطلعه معدل عالي بس اذكر الخامس واسادس ابداءي جانت معدلي عالي بس بالمتوسطه والاعداديه ماطلعت معدل فوك بس  كدامي هيج يسوون اعتقد على مود يحفزوني🤗😂المهم بدت عطله نص السنه انه استمريت بيه اقره وماكطعت عن القرايه اذكر جان اخر امتحان فيزياء بنص السنه ورجعت تقريبا ب١٢وشويه الضهر غير لازم ارتاح المهم صارت٣ ماانطاني كلبي مااقره المهم حضرت كتبي وضليت اقره خلصت بيه ٧و٨ مال فيزياء الافصل وبعد مدري شقريت وقريت وراثه على مدرس شارح على اليوتيوب بس حقيقتنا ماكملته كله المهم لان هم جانت عندي دوره كيمياء ودوره رياضيات لان ابو الكيمياء اخذنه تقريبا من بدايه الدوام شهر تقريبا اكثر اشويه هيج شي يعني لان دوام وهاي يني شنقره للدوام لو للدورات المهم فتوقفنه وبديه من عطله نص السنه بس وره نص السنه تعبت اذكر الادب جان متعبني لان احس عقلي قبط ولا معلومه حيدخله لانه من شهر السادس اقره وتقريبا ولايوم اذا ماقاريه بي الله لا يجذبني المهم ونرجع على سالفتنه مال البيت جانت عدنه عمتي تقريبا بشهر ال٣ فاذكر كلتله عمه فدوه ايكلولج انه ناجحه يله يجينه المهم هي اعتقد اخذ اباله شويه مني واعتقد زعلت المهم بديت مراجعتي بهشر الرابع ودخلت دوره احياء فصل الوراثه فجنت اراجع واهم اروح للدوره😑 المهم اذكر وصلت جاي للاحياء والادب اعتقد واجتنه عمتي نفسه وضلت عدنه ٩ مدري ١٠ تيام 😑المهم انه ضغطت على نفسي وقريت وهم هلكللكم اروح لبيت عمو اقره المهم خلصت المراجعه تقريبا من نهاية عيد رمضان اجانه عمو هو وابنه صغير وهمين اجانه جدو واحنه امتحاناتنه جانت وره عيد الفطر بكم يوم تقريبا وقبل امتحان الاسلاميه بيوم ونص تقريبا اجتنه عمتي 🥺❤️ المهم انه بيتنه هوسه كلش والهوسه تقريبا حد بيت عمو واحنه جوارين وبيناته باب المهم رحت للاسلاميه بضل هلهوسه مجاوبت كلش ايست يعني تقريبااجيب بال٨٥ واصلا انه جان ابالي ااجل السنه المهم مااجلت الاسلاميه ليش لان امي وابوي خطيه بانتضاري وااذا ارجع ماجلته امي تتخربط لان معلك ارواحم بيه خطيه وامي هم اتضوج عليه لان كل هل الضروف الحمد لله والشكر وجنت اروح وي السايق افابوي كلساعه يتصل على السايق ها طلعت ها طلعت حسبالك وحده بصالة الولادة ومنتضريه اجيب😂المهم وانه ابالي ااجل فهلكلكم مااجلت وره يومين عدنه امتحان عربي وفي ضل هالهوسه كلهه المهم باجر عدي امتحان عربي وانه ممكملته بتقريبا٧ باليل انطوهه انو قدمو الامحانات تقريبا ٤ ايام ولغو الاسلاميه فانه حسيت انو ابواب السمه انفتحتلي واجتني فرصه ثانيه المهم راح الخطار وارتاحيت وقريت العربي وخلصته وامحتان وامتحنت الانكليزي الي جنت خايفه منه وكله اتكلي مطلعين معدل وحته اذكر مدرستي كلتلي اتطعلين تقريبا ٩٢ بي وانه اذكر راجعته برمضان ودعيت وهاي والله ميضيع تعب اسنان تعبان وهاي وجنت صايمه برمضان والحمد لله والشكر المهم امتحنت جانت عدي بس نقطه غلط المهم جبت بالانكليوي ٩٨❤️والاحياء صدك راجعته بالمراجعه بس اجلته ضمان لمعدلي وهم ماجنت قاريته زين والبقيه امتحنتهم بس ملاحظه صادف بشهر الامحانات كاس العام وجنت مرات اشوف وياهم صح مااعتقد اكمل اللعبه كله بس بي سوله اسجلو اشكد النتيجه المهم بس اخر لعبه لحد هسه اذكر جانت بين فرنسا وكرواتيا وفازت فرنسا ٤ /٢ وباجر عدي اسلاميه😂المهم امتحنت اسلاميه وجنت ٩٩ وتسعين بس مو وتسوون مثلي وتلتهون بسوالف بيه خير مثلي بالامتحانات لا اقرو  تمام🤗❤️بس تدرون انو احنه مجان عدنه نت لان ابوي مجان يرضه انحط نت بالبيت فجنت اروح لبيت عمتي الثانيه وجوارينه عدهم نت فانزلهم مرات وانقلهم لجهازي صدك ابوي اشترالنه جهاز انه واختي بي اعتقد من نجحت من الرابع بس مابي نت ميرضه نت😑المهم وهم ماانسه مساعده صديقتي الي بكلشي وهي جنات تنزلةالفيديوات مال الفيزياء لان مجنت داخله دوره فتنزلهم من اليوتيوب ومن انروح للدوره تنقلهم الي على البلوتوث ❤️المهم هي طلعت صيدله و ضجت لان هي  طلعت اقل مني لان هي هواي ساعدتني وتستاهل اكثر تلمهم طلعت النتاءج الدور الاول وجان معدلي ٩٧.٦مدري بوينت ٧ المهم اذكر قبل يوم من النتاءج  جان واحد من عماي عدنه وكلي اعتقد اطلعين معدل بين ٧٥ الى ٨٠وقسم المهم كتله عمو ايجوز اهليك تدفع كفاره 😂المهم٢ يوم طلعت النتاءج وجان هو هم عدنه فكتله عمو هلكد معدلي 😁اليوم اخليك تدفع كفاره المهم هو كلي ها ومدري اشلون وسلم عليه وهاي وجان عدنه هم خطار عماتي٢  وهاي فمنطلعت النتاءج فهلكلم احته معدنه نت فصيدق بابا هو طلعهه واتصل عليه وبشرنه وابوي اجاني طاير من الفرح وكلي ١٠٠ بفلان ماده ٩٩بفلان ماده المهم وانه ضلين ابجي وضليت احضن ابعماتي انه احبهم بس كلش تعبت بالدوام والخطار طبعا الوحده منهم من بغداد كالت مااجي اله اتكملين الامحانات وصدك من كملت اجت وثاني يوم من وره النتاءج اجت مدرستي تباركلي يفدوه❤️المهم قريت احياء وتقريبا ضليت بالشهر اقره بي لان جنت حاطه ابالي ١٠٠ بي خاطر ايصير معدلي٩٨ ضبط والحمد لله امتحنت وطلعت ١٠٠ بي وصارمعدلي ٩٨ ودرجاتي الاسلاميه٩٩ انكليزي ٩٨ عربي٩٦ كيمياء ٩٧ رياضيات ٩٦ انه جنت احب الرياضيات كلش واذكر بالشهر الاول جبت ٩٩ وعدت وجبت ١٠٠ بي وبنص السنه هم ١٠٠ وره نص السنه١٠٠ وشهر ٩٥ يعني جنت مسيطره بس عدك اخر موضوع بالتفاضل والهندسه مجنت مسيطره عليهم فتركتهم من اجو بالاسءله اذكر رحت مسيطره وكلت الرياضيات ابو الخبزه واله ١٠٠ وهاي بس اتفاجءت بالاسءله بسنتنه صعبه وضليت ابجي من الساعه٩ لحد مطيت الدفتر ورجعت هم ابجي ونمت من تقريبا٢ الضهر كعدت اعتقد ب٧ المغرب المهم احياء ١٠٠ فيزياء ١٠٠ وهاي الحمد لله❤️❤️



0/Post a Comment/Comments

أحدث أقدم