اسباب الشعور بالتعب والخمول #6

➤ اسباب الخمول والتعب والرغبة في النوم  



اهم الاسباب الي تخليك تحس بالتعب والخمول والرغبة بالنوم 

أولا :  #الماي_القليل .

تقصدت ابدي بهاي النقطة لان اهم مكون بالكون وبكلشي وبجسم الإنسان هو الماي .. يشكل ٧٥٪_ ٩٠٪ من جسم الانسان . فإذا صار عندك نقص بالماي كارثة فكثر ماي .🔪😒

ثانياً : #نقص_الفيتامينات  .

وهذا بسبب النظام الغذائي الغلط ف دائماً حاول يكون نظامك الغذائي تمام .. تاكل خضروات وتاكل لحوميات 🙂 خصوصاً البنات جماعة النباتيون ترا فيتامين B وجماعتو كلها من اللحوميات وماكو بالزلايط ف انتبهوا لهل نقطة .. واهم الفيتامينات الي تسبب التعب اذا صار بيها نقص هو فيتامين D سيد الفيتامينات الي نحصلو من أشعة الشمس تحديدا الأشعة السينية الي تحفز الجسم أنه يحفز تفاعلات كيميائية داخل الجسم علمود نصنع هذا الفيتامين المهم ف خلو الشمس تضربكم يبووي . وايضا البيض والسمج مصادر مهمة لهذا الفيتامين .

ثالثاً : #نقص_الاملاح_المعدنية .

طبعاً كلش كلش مهمة الأملاح للجسم لأنه تساعد ببناء الانزيمات والهرمونات والحفاظ على شغل القلب والدماغ والعظام والعضلات ف أي نقص بيهم يسبب التعب والارهاق والخمول وهشاشة عظام ونقص مناعة .
واهم المعادن هي الكالسيوم والبوتاسيوم والحديد والصوديوم والمغنيسيوم وغيرها  .

مصادر الأملاح المعدنية : السمچ والخضروات والفواكه المجففة والشمس والفاصوليا والعدس .

رابعاً : #القلق_والتوتر_والضغط .

لان القلق والتوتر وغيرهم راح يخلي الدماغ ينطي ايعاز لسيدة الغدد ( فخامة الغدة النخامية) انه تنطي ايعاز للغدة الكظرية الي هي فوگ الكلية أنه تفرز هرمون الادرينالين وهذا الهرمون يضيق الأوعية الدموية والشرايين ويجبر على ضخ الدم بسرعة وفي حالة توقف إفراز هذا الهرمون راح رأسا تتوسع الشرايين فجأة ويصير صداع بالدماغ . وصراحة أمور مفصلة لكن ماحب ادوخكم بيها لهذا قلل القلق ع روحك .. انت اقرا وسوي العليك عليش تخاف ؟ توكل وبس .

خامساً : #كثرة_السكريات_والنشويات .

كثرتهم تنقلب عليك سلبا وتصير من مصدر طاقة الى معمل استهلاك للطاقة وتخليك تعبان دائما اوكي ؟.

سادساً : #ترك_الرياضة .

ترا الرياضة مهمة جداً تحفز الدورة الدموية وتحسن من عمل الدماغ فلا تتركها حتلو باليوم ١٠ دقائق رياضة بسيطة مثل هروله او اي شي .

#سابعا : #الكافيين .

هاي المادة موجودة بالقهوة والچاي وتحفز الجهاز العصبي المركزي لفترة مؤقتة.  لكن مفعولها يستمر لساعات وبالتالي راح تسببلك ارق والأرق يجيب الصداع والتعب . ف قلل منها اوكي ؟ واذا تركت الكافيين راح تعاني من صداع وعصبية اول يومين او ثلاثة بعدين يرجع الوضع طبيعي .

0/Post a Comment/Comments

أحدث أقدم